Lajme flash
Anila Prifti fiton çmimin ‘Fatos Baxhaku’: Gazetaria është gjymtuar, ndoshta dhe sëmurë për gjithë jetën
1 Prill 2022, 13:07 / AKTUALITET
Gazetarja e njohur Anila Prifti është shpallur fituese e çmimit “Fatos Baxhaku”.
Prifti e ka fituar çmimin në kuadër të konkursit të shkrimeve Fact-Checking, nga organizata “Faktoje”.
Në fjalën e saj, Anila Prifti u ndal veçanërisht te problemet e gazetarisë, duke thënë se ajo “është gjymtuar, ndoshta dhe sëmurë për gjithë jetën”.
Në fund ajo citoi Fatos Baxhakun nga “Dyert e Rënda të Shtetit”, duke bërë thirrje për përpjekje që situata të ndryshojë.
"Prej shumë vitesh, njerëzit besojnë fort se një gazetar në vendin tonë nuk është i drejtë. Sepse ai ose gënjen ose i thonë të gënjejë. Dhe për pasojë nuk na duan.
Një gazetar sot nuk tregon dot atë që shikon. Një gazetar sot mbase edhe fle i qetë për këtë gjë. Për pasojë, ai trajtohet pa integritet
Gazetaria është gjymtuar, ndoshta dhe sëmurë për gjithë jetën.
Unë mbijetova, por shumë të tjerë jo.
Tek ‘Dyert e Rënda të Shtetit’, Fatos Baxhaku shkruante: Kur gjërat nuk venë mirë sa duhet, të shndërrohen aq familjare dhe normale saqë të mos ua vësh më veshin. Nis e mësohesh ngadalë me to, si me një dhembje të vjetër trashëguar nga motet e fëmijërisë”.
Përpiquni që kjo ndryshojë!
Ju faleminderit!", tha gazetarja.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128