DPSHTRR me “dorë të hekurt” ndaj atyre që humbin patentën për shkak të shkeljeve

23 Qershor 2022, 13:34 / AKTUALITET ALFA PRESS

DPSHTRR me “dorë të hekurt” ndaj atyre që humbin

DPSHTRR ka dhënë një mesazh të fortë për të gjithë ata persona që kanë humbur patentën. Sipas DPSHTRR për të rifituar të drejtën e patentës duhet të regjistrohen nga e para në Autoshkollë e t’i rinënshtrohen testit teori-praktikë

Njoftimi i plotë

Mesazh i FORTË për humbësit e të gjitha pikëve të leje drejtimit, ata që me aktet e reja në fuqi për të rifituar të drejtën e patentës duhet të regjistrohen nga e para në Autoshkollë e t’i rinënshtrohen testit teori-praktikë! Sot DPSHTRR priti 13 rastet e para, u paraqitën vetëm 6 aplikantë dhe që të 6-të u rrëzuan në testin e teorisë, çka i ridërgon ata nga e para në Autoshkollë për t’u ripërgatitur, dhe për t’u riparaqitur për testim brenda një afati 30 ditor (me vetëm 1 mundësi prove)! S’ka shpëtim përveçse riedukimit! Konkluzioni: respektoni normat e qarkullimit rrugor sepse nëse do t’i humbni të gjitha pikët, do të riktheheni në Autoshkollë dhe më pas nën monitorim të rreptë do të rifitoni patentën vetëm nëse nuk keni mbi 3 gabime në pyetësorin me 30 fjali si edhe nëse kaloni në testin e praktikës! Këtë kohë, angari e kosto mund t’ia shmangni vetes duke u sjellë korrekt në timon e duke mos rrezikuar veten dhe të tjerët në rrugë! Ju jeni problemi dhe po ju jeni zgjidhja.

Po ndodh...