English
Luaj me Fjalëkryq
Lajme flash

Edhe AGSH i bashkohet thirrjes së 27 organizatave nderkombetare dhe kombetare: Autoritetet të sqarojnë bllokimin e Focus Media Group! Të mbrohen materialet gazetareske

12 Gusht 2025, 11:45 / AKTUALITET ALFA PRESS
Edhe AGSH i bashkohet thirrjes së 27 organizatave nderkombetare dhe

Asociacioni i Gazetarëve të Shqipërisë (AGSH) i është bashkuar deklaratës së përbashkët të dhjetëra organizatave vendase dhe ndërkombëtare për lirinë e medias, të cilat kërkojnë sqarime urgjente mbi veprimet e policisë ndaj Focus Media Group, që përfshin News24, BalkanWeb, Panorama dhe Gazetën Shqiptare.

Deklarata, e nënshkruar nga Rrjeti SafeJournalists, Reporterët pa Kufij (RSF), Federata Evropiane e Gazetarëve (EFJ) dhe Instituti Ndërkombëtar i Shtypit (IPI), vjen pas ngjarjeve të 9 gushtit, kur Policia e Shtetit rrethoi ndërtesën e mediave në Tiranë, ndërpreu energjinë elektrike dhe pengoi hyrjen e gazetarëve, duke ndërprerë transmetimin e News24.

Sipas nënshkruesve, këto veprime u kryen pa paralajmërim dhe mbi baza ligjore të paqarta, duke ngritur dyshime serioze për proporcionalitetin dhe respektimin e procedurave.

Ata paralajmërojnë se bllokimi i veprimtarisë ka lënë rreth 230 punonjës të mediave pa mundësi pune dhe në rrezik papunësie.

Organizatat kërkojnë nga autoritetet shqiptare që të publikojnë bazën ligjore të operacionit, të heqin kordonin policor, të rikthejnë furnizimin me energji dhe të lejojnë akses të lirë në redaksi, si dhe të mbrojnë materialet dhe pajisjet gazetareske.

Ne, Rrjeti SafeJournalists, partnerët e Reagimit të Shpejtë për Lirinë e Medias (MFRR), Reporterët pa Kufij (RSF) dhe organizatat shqiptare për lirinë e medias, shprehim shqetësimin e përbashkët mbi pengimin policor dhe ngjarjet pasuese që prekën Focus Media Group: News24, BalkanWeb, Panorama, Gazeta Shqiptare dhe media të tjera të lidhura me të.

Në orët e para të 9 gushtit, Policia e Shtetit rrethoi ndërtesën në Tiranë ku ushtrojnë veprimtarinë këto media, ndërpreu furnizimin me energji elektrike dhe pengoi qasjen për gazetarët dhe stafin. Kjo ndaloi transmetimin televiziv të News24 në kohë reale. Sipas Focus Media Group, nuk ishte dhënë asnjë paralajmërim paraprak për ndërprerjen efektive të sinjalit të transmetimit.

Veprimi i policisë buron nga një mosmarrëveshje më e gjerë pronësie midis Ministrisë së Ekonomisë, Kulturës dhe Inovacionit (MEKI) dhe Focus Media Group mbi qiratë dhe procedurat. Megjithatë, ndërhyrja e fortë e policisë është kryer mesa duket deri tani mbi baza ligjore të paqarta dhe pa respektuar procedurën e rregullt ligjore. Në mungesë të një baze ligjore të publikuar, vendimve gjyqësorë dhe urdhrave ekzekutues, ose një afati dhe hapash të qartë për vijimin e procesit, ligjshmëria dhe proporcionaliteti i veprimit vendosen seriozisht në pikëpyetje.

Si pasojë, që nga data 9 gusht një nga transmetuesit kryesorë të lajmeve në Shqipëri në nivel kombëtar, News24, ka qenë jashtë transmetimit. Deri më 12 gusht 2025, ende nuk ka asnjë qartësi se kur do të rifillojë transmetimi, as mbi të ardhmen e gazetarëve, punonjësve të medias dhe stafit mbështetës të Focus Media Group. Kjo pasiguri minon besimin e publikut, dobëson pluralizmin dhe rrezikon të krijojë një efekt frikësues mbi lirinë e medias.

Ndikimi mbi punonjësit e medias është i menjëhershëm dhe serioz. Rreth 230 të punësuar, gazetarë, punonjës të medias dhe staf mbështetës tani përballen me rrezikun e papunësisë, ndërsa shumë prej tyre prej disa kohësh po përjetojnë vonesa në pagesat e rrogave dhe mosshlyerje të kontributeve të sigurimeve shoqërore dhe shëndetësore. Me ndërtesën e bllokuar dhe veprimtarinë e ndërprerë, mjetet e tyre të jetesës dhe e ardhmja e tyre profesionale janë në rrezik.

Prandaj, ne u bëjmë thirrje të përbashkët autoriteteve shqiptare që të garantojnë të drejtën e gazetarëve për të punuar, sigurinë e tyre, dhe:

Ndërkohë, ne u bëjmë thirrje pronarëve dhe drejtuesve të Focus Media Group:

Kjo nuk është thjesht një mosmarrëveshje kontraktuale. Kjo situatë ngre çështje thelbësore lidhur me respektimin e procedurave të rregullta, proporcionalitetin, lirinë e medias dhe mbrojtjen e gazetarëve dhe punonjësve të medias. Të gjitha palët duhet të veprojnë shpejt, në mënyrë transparente dhe në interes të publikut për të siguruar që këto të drejta të respektohen dhe mbrohen.

Nënshkruar,
Rrjeti SafeJournalists

 Partnerët e Media Freedom Rapid Response (MFRR)

Organizata të shoqërisë civile në Shqipëri:

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128