Grabitet arka e pagesave në Drejtorinë e Ujësjellës-Kanalizimeve Kuçovë, vidhen 2.2 milion lekë

22 Prill 2024, 12:35 / AKTUALITET ALFA PRESS

Grabitet arka e pagesave në Drejtorinë e

Është grabitur gjatë natës arka me lekë e pagesave të ujit të pijshëm në Drejtorinë e Ujësjellës-Kanalizimeve në qytetit e Kuçovës.

Mësohet se grabitësit, kanë hyrë nga njëra prej dritareve të kësaj drejtorie dhe pasi kanë shqyer kasën me levë,kanë marrë 2 milion e 200 mije lekë (të vjetra) që ndodheshin brenda saj.

Vjedhja e kasës është pikasur nga punëtorët e kësaj drejtorie mëngjesin e sotëm,pasi kanë shkuar në punë. Ata kanë parë kasën e shqyer dhe kanë njoftuar policinë.

Në vendngjarje kanë shkuar forca e policisë,që po punojnë për identifikimin dhe kapjen e autorëve.

Efektivët e policisë janë duke marrë në pyetje punonjësit e kësaj drejtorie si dhe po kërkojnë gjetje e kamerave të mundshme të bizneseve përreth kësaj drejtorie,pasi vetë institucioni nuk ka kamera,gjë që e bën të vështirë identifikimin e autorëve.

 

ide

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128