English
Luaj me Fjalëkryq
Lajme flash

Itali/ Çmontohet organizata e ‘turistëve’ të kokainës, 8 shqiptarë të arrestuar! Rrjetin e drejtonte një 31-vjeçar nga Shqipëria, jepte urdhra me telefon

6 Shkurt 2025, 17:05 / AKTUALITET ALFA PRESS

Itali/ Çmontohet organizata e ‘turistëve’ të

Dy shqiptarë janë arrestuar së fundmi nga karabinierët e Sora në Itali, pasi akuzohen për trafik droge.

Gjithsej tetë persona u hetuan gjatë procesit investigativ dhe të koordinuar nga prokuroria e Cassino në këtë operacion të nisur dy vite më parë, e që lejoi çmontimin e një rrjeti të madh të trafikut të drogës.

Hetimi nisi pas arrestimit, në dhjetor 2023, të një shtetasi shqiptar 23-vjeçar, të cilit i ndalur në Costantinopoli në Sora, iu gjet një dozë kokaine. Kontrolli i mëpasshëm i shtëpisë lejoi oficerët të gjenin edhe 30 gramë kokainë të tjera dhe rreth 2000 euro të sekuestruara.

Ky ishte konfirmimi i parë i një aktiviteti më të gjerë, ku apartamenti rezultonte i blerë nga një tjetër shqiptar, 31 vjeç, i larguar nga Italia prej disa vitesh. Por kjo hyrje sipas hetuesve ishte kthyer në një rezidencë, ku sipas medias së vendit fqinj, ‘strehoheshin kreshnikët e grupit kriminal’.

Pronari i banesës, 31-vjeçari që aktualisht ndodhet në Shqipëri, dyshohet se është edhe kreu i këtij rrjeti kriminal. 

Nga ndjekja e veprimtarisë së organizatës, ata kishin një skemë të paracaktuar dhe role të ndara, teksa vepronin si “turistë sezonalë narkotrafiku”. Në Itali ky grup drejtohej nga vëllai 26-vjeçar i shqiptarit tjetër që rezulton pronari i banesës.

I riu rezultoi se në një nga udhëtimet e kryera në tetor 2023, ka qenë në të njëjtin avion me 23-vjeçarin e arrestuar në banesën në ‘Via Costantinopoli’.  Urdhrat për ‘turistët’ jepeshin në një numër telefoni të dedikuar, duke përdorur disa ‘dredhi’. Prej këtij numri drejtohej edhe rrjeti i trafikimit dhe aktivitetit ilegal.

Paratë që fitoheshin i dorëzoheshin personit që thirrej me emrin e koduar “Turkistes” (turistët), teksa u zbuluan edhe udhëtimet e shpeshta. Më 6 Dhjetor 2024 u krye një tjetër aksion, teksa me qen antidrogë u zbuluan 50 gramë kokainë dhe u arrestua një tjetër shqiptar 45-vjeçar, informon media.

Sot (6 Shkurt) u ekzekutuan edhe urdhrat e ndalimit për një 31-vjeçar shqiptar rezident në Itali dhe partneres së tij. Janë kontrolluar banesat e 5 të dyshuarve, ku u zbuluan sende të tjera të paligjshme. 

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128