Lajme flash
KQZ, kryebashkiakët nuk mund të ndryshojnë vendndodhjen e qendrave të votimit pak ditë para zgjedhjeve
15 Janar 2025, 19:13 / AKTUALITET
Komisioni Rregullator i Komisionit Qendror të Zgjedhjeve miratoi sot disa shtesa dhe ndryshime në udhëzimin “Përcaktimi i rregullave për ngritjen, caktimin dhe njoftimin e vendndodhjes së qendrave të votimit dhe përgatitjen e hartës së njësisë së vetëqeverisjes vendore për zgjedhjet”, i ndryshuar.
Në një njoftim për shtyp, KQZ bën të ditur se “shtesat dhe ndryshimet e miratuara konsistojnë në kufizimin e ndryshimit të vendndodhjes së qendrave të votimit nga kryetarët e bashkive pak ditë para datës së zgjedhjeve, me qëllim garantimin e stabilitetit dhe shmangien e konfuzionit të zgjedhësve”.
“Gjithashtu, parashikohet mekanizmi i monitorimit dhe hapat që duhet të ndiqen nga administrata e KQZ në rastet kur evidentohen kryesisht apo me ankesa, mospërmbushja e kritereve ligjore për caktimin e QV-ve, si dhe gjetjen e ambienteve alternative nga administrata në raste problematike”, thuhet në njoftim.
Sipas KQZ-së, shtesat dhe ndryshimet e miratuara synojnë rritjen e qartësisë ligjore, sigurimin e një procesi të rregullt, përmirësimin e standardeve të aksesueshmërisë dhe transparencës për të gjitha palët e përfshira në proces.
-
Polici i Rrugores bie nga lartësia e një pallati në Tiranë
15 Janar, 18:57 -
Po ndodh...
ide
Shqipëria Madhështore apo Shqipëria e Pazarit Madhështorë!
Nga Ermal Peçi!
Opozita, akoma larg një projekti për rrotacionin e pushtetit
Nga Preç Zogaj
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128