English
Luaj me Fjalëkryq
Lajme flash

Kryetari i Bashkisë Tropojë, Rexh Byberi paraqitet në SPAK

11 Prill 2024, 10:57 / POLITIKË ALFA PRESS

Kryetari i Bashkisë Tropojë, Rexh Byberi paraqitet në SPAK

Kryetari i bashkisë së Tropojës, Rexh Byberi është paraqitur në SPAK.

Kujtojmë se opozita ka denoncuar Byberin për abuzim me detyrën. Deri më tani nuk dihen arsyet se pse kryebashkiaku ka shkuar në Prokurorinë e Posaçme.

Mësohet se pak muaj me parë kryebashkiaku u denoncua nga 300 banorë të cilët e akuzojnë për shpërdorim detyre.

Sipas banorëve të zonës, krybashkiaku i Tropojës ka favorizuar kushurinjtë e tij në shkelje të hapur të ligjit për konfliktin e interesit.

“Ne kallëzuesit jemi banorë të Bashkisë Tropojë, ku po bëjmë rreth 3 vjet që sorollatemi nga kryetari i bashkisë Rexhe Byberi duke mos gjetur zgjidhje. Kryetari i bashkisë Tropojë Rexhe Byberi është i përfshirë në  aktivitete kriminale , dhe për këtë arsye jemi duke bërë këtë kallzim  ku e akuzojmë për veprën penale të “Shpërdorimit të detyrës” parashikuar nga neni 248 i K.Penale  dhe për veprën penale të “Korrupsioni pasiv i funksionarëve të lartë shtetërorë ose i të zgjedhurve vendor”.

Këtë aktivitet kriminal ky kryetar bashkie e ushtron me djemtë e xhaxhait të tij ku një prej tyre është dhe i kallzuari prej nesh Avni Byberi, akuzuar për veprën penale të “Korrupsioni aktiv  i funksionarëve të lartë shtetërorë ose i të zgjedhurve vendor” parashikuar nga neni 245 i Kodit Penal dhe “Pastrim i produkteve të veprës penale” të parashikuar nga neni 287 i K.Penal.”, thuhet në denoncimine  banorëve.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128