Lajme flash
Mori 1 mijë euro ryshfet, ish-oficerja e policisë gjyqësore dënohet me 2 vite burg
10 Dhjetor 2024, 15:46 / AKTUALITET
Gjykata e Posaçme e shkallës së parë ka dënuar këtë martë me 4 vite shërbim prove oficeren e Policisë Gjyqësore Elbasan, Anila Dusha.
Dusha u shpall fajtore për akuzën “korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”! Fillimisht GJKKO dha dënimin 3 vite burgim, që me gjykim të shkurtuar dhe uljen e 1/3 të tij zbriti në 2 vite izolim.
Por në zbatim të nenit për pezullim të dënimit u aplikua shërbimi i provës me 4 vite, si dhe mospërfshirja në funksione publike apo administratë për 5 vitet e ardhshme.
Dusha u akuzua se mori 1 mijë euro ryshfet për një çështje tek një qytetare dhe më pas u denoncua.
Oficerja Anila Dushku u denoncua mbrëmjen e 10 shtatorit nga emisioni “Fiks Fare” për një rast korrupsioni. Anila Dushku i mori 1 mijë euro ryshfet 68-vjeçares Hava Lloga, me premtimin për “t’i mbaruar” punë, për t’i mbyllur çështjen gjyqësore.
Hava Lloga para disa vitesh ishte proceduar penalisht dhe u dënua me 2 muaj arrest shtëpie për ndërtim pa leje, për shkak se ndërtoi një banesë për vete dhe djalin në fshatin Qendër Librazhd.
68-vjeçarja shkoi dhe ia dha me zarf 1 mijë eurot oficeres së Policisë Gjyqësore, Anila Dushku dhe kjo e fundit i tha se vendimi do t’i vijë me zarf, që do t’i njoftohej mbyllja e çështjes.
Ndërkohë, në vendimin e prokurorit Xhelian Seferi shkruhej se ndërtimet janë pa leje, por ato ndërtime janë bërë para datës 31 mars 2024 dhe vepra penale “ndërtim i paligjshëm” është amnistuar nga Kuvendi i Shqipërisë. Pra, qytetarja i ka paguar OPGj-së shumën prej 1 mijë eurosh, megjithëse vepra penale ishte amnistuar dhe prokuroria duhet të kishte marrë vendim shumë kohë më përpara!
Pse Aleanca Madhështore përfundoi në Foltore 2
Nga Namir Lapardhaja
ide
Erion Veliaj, kryeredaktori nga qelia
Nga Andi Descartes
Teatri politik me listat e PS dhe PD
Nga Roland Lami
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128