English
Luaj me Fjalëkryq
Lajme flash

Në kërkim nga SPAK për “Toyota Yaris” dhe çështjen e Suel Çelës/ Dorëzohet në policinë e Tiranës avokati Radovan Çela

5 Mars 2025, 15:46 / AKTUALITET ALFA PRESS

Në kërkim nga SPAK për “Toyota Yaris” dhe

Avokati Radovan Çela, i cili ishte shpallur në kërkim nga autoritetet shqiptare, është vetëdorëzuar në Policinë e Tiranës. Çela është i përfshirë në hetimet e njohura si “Dosja Toyota Yaris”.

Burime bëjnë me dije se avokati akuzohet për korrupsion dhe ushtrim të ndikimit të paligjshëm ndaj funksionarëve të drejtësisë.

Dosja në fjalë lidhet me sekuestrimin e 3.4 milionë eurove të fshehura në dy automjete tip “Toyota Yaris” në Portin e Durrësit, një çështje e cila ka përfshirë disa emra të njohur të drejtësisë shqiptare.

Sipas akuzës, Radovan Çela dyshohet se ka ofruar përfitime të paligjshme për të ndikuar në vendimmarrjen e funksionarëve të drejtësisë. Konkretisht, ai akuzohet për veprat penale të “Korrupsionit aktiv i gjyqtarit, prokurorit dhe i funksionarëve të tjerë të drejtësisë” dhe “Ushtrimi i ndikimit të paligjshëm ndaj personave që ushtrojnë funksione publike”.

Gjithashtu, sipas SPAK avokati Çela dhe prokurori Zarka kanë ndërhyrë edhe për çështjen e Suel Çelës për t’i çliruar pasuritë e sekuestruara në kuadër të Operacionit Forca e Ligjit.

SPAK dorëzoi më 30 dhjetor 2024 dosjen penale. Ata akuzohen se në bashkëpunim me njëri tjetrin kanë ndërhyrë në 8 dosje duke ofruar dhe premtuar përfitime të parregullta për të ushtruar ndikim te funksionarë të drejtësisë për të lehtësuar rrethanat. Mes dosjeve që kanë ndërhyrë është dhe ajo e Toyota Yaris dhe e Suel Çelës.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128