Lajme flash
U vetëplagos në këmbë me armë zjarri, arrestohet 45 vjeçari në Lezhë
3 Dhjetor 2024, 16:40 / AKTUALITET
Një 45-vjeçar u vetëplagos ditën e djeshme me armë zjarri në Lezhë, teksa sot policia ka njoftuar se nga verifikimet e kryera rezultoi se armën e zjarrit e posedonte pa leje.
Policia sqaron më tej në lidhje me rastin se, 45-vjeçari me iniciale M. Gj., u vetëplagos në lokalin e tij dhe më pas ka fshehur armën, me qëllim pengimin e zbulimit të së vërtetës.
Personi i vetëplagosur është nën kujdesin e mjekëve, jashtë rrezikut për jetën.
“Në vijim të informacionit të dhënë mëngjesin e djeshëm, për vetëplagosjen në këmbë, me armë zjarri, të shtetasit M. Gj., 45 vjeç, banues në fshatin Rraboshtë, informojmë se janë kryer veprimet procedurale për arrestimin e 45-vjeçarit, sepse nga verifikimet rezultoi se armën e zjarrit e posedonte pa leje.
Gjithashtu, ky shtetas, pas vetëplagosjes, në lokalin e tij, e ka fshehur armën, me qëllim pengimin e zbulimit të së vërtetës së rastit. Shtetasi M. Gj. vijon të jetë në kujdesin e mjekëve dhe jashtë rrezikut për jetën.”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Veprime që pengojnë zbulimin e së vërtetës.
-
Sa është numri i beqarëve dhe i të divorcuarve në Tiranë?
3 Dhjetor, 16:31 -
Po ndodh...
ide
Shqipëria Madhështore apo Shqipëria e Pazarit Madhështorë!
Nga Ermal Peçi!
Opozita, akoma larg një projekti për rrotacionin e pushtetit
Nga Preç Zogaj
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128