BILD: Mullahu Suprem i Iranit po planifikon arratisjen në Moskë bashkë me familjen

Informacione të nxehta nga shërbimet sekrete zbulojnë panikun në elitën iraniane!

Prej ditësh, njerëzit në Iran kanë dalë në rrugë duke thirrur: “Vdekje diktatorit!”

Bëhet fjalë për: Ajatollah Ali Khamenein (86 vjeç), Mullahun Suprem.

Ai mundohet të duket i qetë zyrtarisht, thekson fuqinë e forcave të sigurisë – por në prapaskenë duket se po përgatit planin B për të shpëtuar lëkurën e vet.

Sipas informacioneve të gazetës britanike “The Times”, Khamenei, i cili mban titullin zyrtar “Udhëheqësi Suprem”, ka urdhëruar përgatitjen e një plani emergjent për t’u larguar nga vendi në rast se trazirat përshkallëzohen.

Destinacioni i mundshëm i arratisjes: Moska, kryeqyteti i Rusisë.

Nuk është çudi, pasi në arenën ndërkombëtare, shefi i Kremlinit, Vladimir Putin (73 vjeç) është një nga aleatët e fundit të Iranit. Në Lindjen e Mesme, mullahët konsiderohen gjithnjë e më të izoluar, dhe pas sulmeve të suksesshme izraelite ndaj programit bërthamor iranian në qershor 2025, janë ekspozuar edhe ushtarakisht.

Së bashku me familjarët e Khameneit – përfshirë djalin e tij dhe pasardhësin e parashikuar, Mojtaba – pritet të arratiset edhe një rreth i ngushtë prej deri në 20 këshilltarësh. Qeveria civile, e udhëhequr nga presidenti Massoud Pezeshkian (71 vjeç), nuk përmendet fare në dokument – dhe në shtetin teokratik gjithsesi ka shumë pak pushtet real.

Një rrugë arratisjeje për raste emergjente thuhet se është tashmë e përcaktuar. Gjithashtu po punohet për mbledhjen e pasurive, pronave jashtë vendit dhe parave cash, për të garantuar një largim të sigurt, citon “The Times” një burim nga shërbimet sekrete.

Me pak fjalë: dikush ka frikë seriozisht për pasurinë e madhe që ka grumbulluar gjatë viteve të sundimit.

Sipas “The Times”, edhe vetë Khamenei po vuan ende nga poshtërimi i qershorit, kur Izraeli eliminoi figurat kyçe të Gardës Revolucionare, çaktivizoi mbrojtjen ajrore deri në Teheran, dëmtoi rëndë programin e raketave balistike dhe tregoi se sa lehtë operon shërbimi sekret Mossad brenda Iranit.

SHBA-të e vulosën gjithçka me bombardimin e objekteve bërthamore nëntokësore.

Në një profil psikologjik të përgatitur nga një shërbim sekret perëndimor, Khamenei përshkruhet si i dobësuar – si mendërisht, ashtu edhe fizikisht. Këtë, ai po e kompenson gjithnjë e më shumë me paranojë.

Raporti thotë: “Nga njëra anë ai është fort i motivuar ideologjikisht, por nga ana tjetër është pragmatik në perceptimin e tij: ai i sheh kompromiset taktike si mjete për një qëllim më të lartë afatgjatë. Ai mendon në plan të gjatë.”

Nëse sundimi i tij shembet, një tentativë arratisjeje do të ishte përpjekja e fundit për të shpëtuar çfarë mund të shpëtohet.

Nëse arratisja realizohet, në Moskë Khamenei do të takonte një mik të vjetër: ish-diktatorin sirian Bashar al-Assad (60 vjeç), i cili pas rrëzimit të tij në fund të vitit 2024 u arratis në Rusi dhe, sipas zërave, dëshiron të rikthehet në profesionin e tij si okulist.

Për vite me radhë, të dy sundimtarët formuan të ashtuquajturën “Boshti i Rezistencës”, duke mbështetur grupe terroriste si Hamasi në Rripin e Gazës./BILD

Po ndodh...

00:00 Fjalëkryq

Skemë e lirë 11 janar

23:04 AKTUALITET

Kishte mbushur muret e shtëpisë me kokainë, arrestohet 21-vjeçari shqiptar në Itali

22:39 BOTA

Valë e fortë acari përfshin Italinë dhe Europën

22:19 SHOWBIZ

Stine lë lojën, Arbër Hajdari: E kuptove që je i paaftë?

22:00 BOTA

Protesta të dhunshme dhe me dhjetëra të vdekur në Iran, reagon Trump: Do jemi aty

21:46 AKTUALITET

Prishet ura e Prodanit në Kolonjë, aksi Boboshticë – Dardhë pëson dëmtime

21:21 POLITIKË

Salianji kundër Berishës: Ramën do e rrëzojë SHBA-ja, SPAK-u dhe ne të bashkuar për ndryshimin!

21:05 BOTA

Ushtria amerikane godet objektivat e Shtetit Islamik në Siri

Nga Syri.net 20:58 POLITIKË

Syri.net: Salianji, protestuesi i Ramës kundër opozitës

Nga Syri.net

20:48 AKTUALITET

Moti i keq/ Rinisin reshjet e dendura të dëborës në Qafë Thanë, “rruga e florinjtë” Qukës-Qafë Plloçë ende e bllokuar, rrëshqitje të tjera dherash e gurësh

20:26 BOTA

Trump thotë se SHBA-të janë gati të ndihmojnë iranianët, zyrtarët diskutojnë skenarët e sulmeve ajrore! Në Teheran përshkallëzohen protestat dhe rriten viktimat

20:16 SPORT

Derbi i kryeqytetit në horizont, mësoni rrugëtimin e ekipeve në çerekfinalen e Kupës! Si ndahen vazot

20:02 SPORT

Thomas Strakosha nuk fshihet: E respektoj Greqinë, por jam shqiptar nga Himara

20:01 BOTA

Pse orët e ardhshme në Iran janë kritike dhe pse heshtja nuk është një opsion?

Dua të lexoj më shumë lajme