English
Luaj me Fjalëkryq
Lajme flash

Filipine, numri i të vdekurve nga rrëshqitja e dheut shkon në 27 të zhdukur

9 Shkurt 2024, 18:49 / BOTA ALFA PRESS

Filipine, numri i të vdekurve nga rrëshqitja e dheut shkon në 27

Ekipet e shpëtimit gjetën sot më shumë trupa të pajetë, duke e rritur numrin e të vdekurve në 27 nga një rrëshqitje dheu që goditi një provincë në Filipinet jugore, por ata shpresojnë të gjejnë të mbijetuar pasi një fëmijë u shpëtua më herët sot.

Rrëshqitja e dheut ndodhi natën e së martës jashtë vendit të një miniere ari në Maco City, provincën Davao de Oro, duke shtypur shtëpi, tre autobusë dhe një xhip që do të transportonte punëtorët e kompanisë minerare.

Autoritetet provinciale njoftuan se fëmija që mbijetoi është në gjendje të qëndrueshme.

Agjencia e menaxhimit të fatkeqësive në Mako City ndryshoi numrin e të zhdukurve në 89 nga 110, pa dhënë shpjegime, ndërsa numri i të lënduarve ishte 32.

Zyrtarët e menaxhimit të fatkeqësive më herët thanë se dy autobusë me 27 pasagjerë ishin varrosur nën tokë, por kompania operuese e minierës, Apex Mining, tha në një deklaratë sot se dhe katër automjete u gjetën të groposura në rrëshqitje dheu.

Një zyrtar i zyrës së komunikimit të Apex tha se kompania aktualisht nuk ka informacion se sa pasagjerë po transportonin automjetet kur ndodhi rrëshqitja e dheut. Më herët kompania tha se autobusët kanë një kapacitet prej 60 vendesh, ndërsa xhipi mund të strehojë 36 pasagjerë.

Shirat e rrëmbyeshëm kanë përfshirë Davao de Oro javët e fundit, duke shkaktuar përmbytje dhe rrëshqitje dheu.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128