Lajme flash
Finlanda e nis e para, asetet e ngrira ruse kalojnë në financim për mbrojtjen e Ukrainës
19 Maj 2025, 17:17 / BOTA
Duket se nga fjalët, një pjesë e vendeve evropiane, po kalojnë te veprat në lidhje me ashpërsimin e sanksioneve ndaj Rusisë.
Ministria Finlandeze e Mbrojtjes ka njoftuar se do ta furnizojë Ukrainën me municione në vlerë prej 90 milionë eurosh, duke përdorur të ardhurat nga asetet financiare të ngrira ruse.
Sipas Reuters, BE-ja ka vlerësuar se rreth 210 miliardë euro nga gjithsej 300 miliardë dollarë në asete ruse të ngrira ndodhen brenda bllokut prej 27 vendesh anëtare, kryesisht në formën e obligacioneve shtetërore që banka qendrore e Rusisë i kishte ruajtur si rezerva.
Kujtojmë se Komisioni Evropian vendosi vitin e kaluar që të ardhurat nga këto asete të mund të përdoren për të mbështetur ushtarakisht Kievin përmes një fondi të drejtuar nga BE.
“Arritëm të negociojmë financim shtesë për mbështetjen e Finlandës ndaj Ukrainës,” ka thënë ministri i Mbrojtjes, Antti Hakkanen.
Në lidhje me këtë hap nuk ka pasur ende ndonjë koment nga Kremlini, megjithatë vendi ka deklaruar vazhdimisht se çdo përpjekje për të konfiskuar apo shitur asetet e ngrira ruse do të ishte e paligjshme; do të shkelte të drejtat e pronësisë dhe do të krijonte një precedent të rrezikshëm dhe do të kundërshtohej në gjykatë.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
Kush është Lepuri i Surrelit?
Nga Sidi Hasanaj
Dy rrugët e gabuara të opozitës me Avokatin e Popullit
Nga Patrik Sadikaj
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128