Lajme flash
Gjermania zgjat kontrollet kufitare me gjashtë muaj të tjerë
12 Shkurt 2025, 16:20 / BOTA
Qeveria gjermane ka zgjatur kontrollet në të gjithë kufijtë tokësorë të vendit me gjashtë muaj të tjerë – në një përpjekje për të reduktuar migrimin e parregullt, tha sot kancelari Olaf Scholz.
“Përmes kontrolleve kufitare, ne po reduktojmë në mënyrë efektive migrimin e parregullt, siç tregojnë shifrat”, tha Scholz në një deklaratë me shkrim duke shpjeguar vendimin.
“Ne po ndalojmë kontrabandistët që mallojnë brutalisht njerëzit dhe i kontrabandojnë ata përtej kufijve. Dhe ne po u japim fund kriminelëve dhe ekstremistëve”, tha ministrja e Brendshme, Nancy Faeser.
Gjermania është një vend anëtar kyç i Zonës Shengen, i cili lejon lëvizjen e lirë të njerëzve pa kontrolle kufitare.
Megjithatë, vendi paraqiti për herë të parë kontrolle të përkohshme në kufirin austriak në vitin 2015, përpara se t’i shtrinte ato në Poloni, Zvicër dhe Republikën Çeke në 2023.
Më pas, kontrollet u shtrinë në të gjithë kufijtë tokësorë të Gjermanisë në shtator 2024 – pasi administrata e Scholz iu referua migrimit të parregullt, terrorizmit islamik dhe krimit transnacional për të justifikuar masën.
Po ndodh...
ide
Shqipëria Madhështore apo Shqipëria e Pazarit Madhështorë!
Nga Ermal Peçi!
Opozita, akoma larg një projekti për rrotacionin e pushtetit
Nga Preç Zogaj
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128