Netanyahu konfirmon eliminimin e zëdhënësit të Hamasit, ministri i Jashtëm: Së shpejti përshkallëzohet fushata në Gaza

31 Gusht 2025, 15:36 / BOTA ALFA PRESS

Netanyahu konfirmon eliminimin e zëdhënësit të Hamasit,

Kryeministri izraelit Benjamin Netanyahu konfirmoi sot se forcat izraelite kanë goditur zëdhënësin e krahut të armatosur të Hamasit, të njohur me emrin Abu Obaida.

Në një deklaratë gjatë mbledhjes javore të kabinetit qeveritar, Netanyahu tha:

“Goditëm zëdhënësin e Hamasit, Abu Obaida. Shpresoj që nuk është më mes të gjallëve, megjithatë nuk ka ende një konfirmim të qartë nga ana e Hamasit për këtë.”

Pak më vonë, ministri i Jashtëm i Izraelit, Israel Katz, deklaroi se Abu Obaida është vrarë.

“Zëdhënësi i terrorizmit të Hamasit, Abu Obaida, u eliminua në Gaza dhe iu bashkua pjesëtarëve të tjerë të boshtit të së keqes nga Irani, Gaza, Libani dhe Jemeni – në fundin e ferrit. Urime Forcave të Mbrojtjes së Izraelit dhe Shërbimit të Sigurisë Shin Bet për ekzekutimin e përkryer. Së shpejti, me intensifikimin e fushatës në Gaza, do t’i bashkohen edhe shumë bashkëpunëtorë të tij – vrasës dhe përdhunues të Hamasit”, shkroi ai në një postim në rrjetet sociale.


Dje, ushtria izraelite njoftoi se kishte goditur një “figurë kyçe të Hamasit” në qytetin e Gazës, pa dhënë identitetin e tij. Megjithatë, mediat izraelite raportuan se bëhet fjalë për Abu Obaidan.

Po ndodh...