Lajme flash
Përshkallëzohen tensionet Rusi–Japoni/ Moska ndalon hyrjen e 30 zyrtarëve japonezë
11 Nëntor 2025, 23:35 / BOTA
Rusia ka ndaluar hyrjen në territorin e saj për 30 shtetas japonezë, mes tyre edhe zëdhënësi i Ministrisë së Jashtme të Japonisë, Toshihiro Kitamura, në përgjigje të sanksioneve që Tokio ka vendosur ndaj Moskës pas fillimit të luftës në Ukrainë.
Në një deklaratë zyrtare, Ministria e Jashtme ruse tha se vendimi është pjesë e “masave hakmarrëse ndaj veprimeve armiqësore të Japonisë”, të cilat lidhen me “të ashtuquajturin operacion special ushtarak” të Rusisë në Ukrainë.
“Si pjesë e masave për t’iu përgjigjur veprimeve sanksionuese të Tokios zyrtare kundër vendit tonë, është vendosur ndalim i pacaktuar hyrjeje në Rusi për 30 qytetarë japonezë,” thuhet në njoftimin e ministrisë.
Lista përfshin, përveç zëdhënësit Kitamura, gazetarë dhe profesorë nga disa universitete të njohura japoneze, të cilët, sipas Moskës, “kanë kontribuar në formimin e një narrative anti-ruse në opinionin publik japonez”.
Që prej fillimit të luftës në Ukrainë, Japonia ka miratuar disa raunde sanksionesh ndaj Rusisë, duke përfshirë ndalime eksportesh, ngrirje pasurish dhe kufizime për dhjetëra zyrtarë rusë.
Po ndodh...
Karmën nuk e ndalon dot Sali Berisha!
Nga Bato Kosova
ide
Sekretari i Parë i PD
Nga Indrit Vokshi
Të “rrëzosh” Edi Ramën duke gënjyer veten…
Nga Patrik Sadikaj
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128