Lajme flash
Qëlloi me 5 plumba kryeministrin sllovak, agresori pendohet dhe i kërkon falje: Nuk doja ta vrisja, por ta plagosja
23 Maj 2024, 22:05 / BOTA
Agresori i kryeministrit sllovak Robert Fico, Juraj Cintula, ka pranuar se ka qëlluar në drejtim të kryeministrit më 15 maj dhe i ka shkaktuar lëndime të rënda, por ka deklaruar se nuk ka tentuar ta vrasë kreun e qeverisë, por ka dashur “thjesht ta plagosë”.
Mediat në Sllovaki publikuan shpjegimin e vendimit me të cilin gjykata urdhëroi ndalimin e Cintulas të shtunën, në të cilin thuhet se ai tha se atij i vinte keq dhe i kërkoi falje kryeministrit.
“Ai e kupton se ka vepruar në mënyrë të papranueshme, se nuk është dashur ta lëndojë Ficon. Askush tjetër nuk e dinte se çfarë po planifikonte”, thuhet në shpjegimin e vendimit të Gjykatës Speciale Penale në Pezinok.
Ai tha se ka vendosur të shkojë në Handlova kur ka mësuar se atje do të mbahet mbledhja e qeverisë sllovake, me politikën e së cilës ai nuk është dakord.
Në atentatin e para disa ditëve Fico pësoi lëndime të rënda në stomak dhe në gjymtyrë. Ai u dërgua me urgjencë në spitalin e Banska Bistrica në gjendje kritike dhe iu nënshtrua dy operacioneve, ndërsa tani ndodhet në gjendje të qendrueshme.
Po ndodh...
Pse Aleanca Madhështore përfundoi në Foltore 2
Nga Namir Lapardhaja
ide
Teatri politik me listat e PS dhe PD
Nga Roland Lami
Shqipëria Madhështore apo Shqipëria e Pazarit Madhështorë!
Nga Ermal Peçi!
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128