English
Luaj me Fjalëkryq
Lajme flash

SHBA zgjedh sot Presidentin, orët e fundit të votimit! Exit poll i CNN: 48% e votuesve preferojnë Harris, 44% Trump

6 Nëntor 2024, 00:01 / BOTA ALFA PRESS

SHBA zgjedh sot Presidentin, orët e fundit të votimit! Exit poll i

Miliona amerikanë janë duke votuar për të zgjedhur presidentin e 47-të të Shteteve të Bashkuara. Janë orët e fundit të votimeve dhe qendrat mbyllen në kohë të ndryshme në të gjithë SHBA-në. Të parat mbyllen në orën 18:00, që me orën e Shqipërisë i bie në mesnatë, ndërsa të fundit mbyllen në 01:00, me orën tonë bie 07:00, më 6 nëntor.

Sondazhet e para të CNN zbulojnë se 48% e votuesve preferojnë Harris, krahasuar me 52% që preferuan Biden në 2020. Ndërsa 44% preferojnë Trump, një rënie me 2% krahasuar me vitin 2020.
Zëvendëspresidentja Kamala Harris ndodhet në selinë e Komitetit Kombëtar Demokratik në Uashington DC, ndërsa Trump u ka mohuar disa gazetarë të drejtën të ndjekin aktivitetin e tij në selinë e Floridas ku do të mblidhen për të pritur rezultatet dhe nëse do të fitojë do të mbahet dhe festa.

Gara është e ngushtë ndërsa shtetet e fushës së betejës janë Arizona, Xhorxhia, Miçigani, Nevada, Karolina e Veriut, Pensilvania dhe Ëisconsin pritet të jenë thelbësore në rrugën drejt fitores. Pensilvania është shteti me 19 vota në Kolegjin Elektoral. Harris dhe Trump kanë nevojë për të paktën 270 nga 538 vota elektorale për të fituar.

Janë mbi 244 milionë qytetarë me të drejtë vote ndërsa përpara ditës së zgjedhjeve të së martës, më shumë se 81 milionë votuan më herët.  Një person u arrestua pranë Capitol Hill pasi dyshohet se kërcënoi se do të kryente një masakër nëse ish-presidenti Donald Trump fitonte zgjedhjet. 

Nëse zonja Harris fiton hyn në histori, si gruaja e parë presidente e gruaja e parë me origjinë aziatike në këtë post. Një fitore e ish-Presidentit Trump do ta bënte atë presidentin e parë të shpallur fajëtor për një krim.

Shqiptarja.com po ndjek minutë pas minute të gjithë procesin e votimit deri në nxjerjen e rezultateve. 



Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128