English
Luaj me Fjalëkryq
Lajme flash

Trump sulmon Harris dhe Walz: Synojnë ta kthejnë SHBA-në në një vend komunist

9 Gusht 2024, 17:11 / BOTA ALFA PRESS

Trump sulmon Harris dhe Walz: Synojnë ta kthejnë SHBA-në në

Donald Trump ka sulmuar sërish kandidaten për presidente të demokratëve, Kamala Harris dhe kandidatin e saj për zv. president, Tim Walz.

Fillimisht kandidati republikan për president tha se “nuk mund të ishte më i emocionuar” që zonja Harris, 59 vjeçe, kishte zgjedhur Tim Walz-in si kandidatin e saj për zëvendëspresident që sipas tij “i pëlqejnë shumë transgjinorët”.

Të dhënat e Walz-it si guvernator i Minesotës janë vënë në qendër të vëmendjes që nga njoftimi, me republikanët që përmendin historinë e tij për çështjet transgjinore.

60-vjeçari nënshkroi një projektligj për bërjen e Minesotës si një “strehë trans-ësh”, si dhe një urdhër ekzekutiv vitin e kaluar duke e bërë shtetin ndër të parët që mbron qasjen në kujdesin shëndetësor që afirmon gjininë.

Trump, ka quajtur gjithashtu Harris dhe Walz një “dyshe radikale të së majtës”, dhe se synimi i tyre është të kthejnë Amerikën në një vend komunist.
“Kjo është një dyshe që do të donte që ky vend të bëhej komunist menjëherë, nëse jo më shpejt”. Atij i pëlqejnë shumë transgjinorët. Çdo gjë që është transgjinore ai mendon se është e mrekullueshme.” tha Trump në emisionin e mëngjesit të Fox News Fox & Friends.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128