English
Luaj me Fjalëkryq
Lajme flash

Ari “shkruan” historinë/ Kalon për herë të parë vlerën e 4,000 dollarëve

8 Tetor 2025, 19:40 / EKONOMI&SOCIALE ALFA PRESS

 

Ari “shkruan” historinë/ Kalon për herë të

Ari ka kaluar për herë të parë kufirin prej 4,000 dollarësh për ons, duke arritur një rekord të ri historik, i nxitur nga investitorët që kërkojnë siguri përballë paqëndrueshmërive ekonomike dhe gjeopolitike.

Ari spot u rrit me 0.9%, duke shkuar në 4,017.16 dollarë për ons mëngjesin e të mërkurës. Ndërkohë, kontratat e së ardhmes për dhjetorin në SHBA u rritën po ashtu me 0.9%, duke prekur 4,040 dollarë për ons.

Tradicionalisht, metali i verdhë konsiderohet si një ruajtës vlere në kohë pasigurie. Në vitin 2025, ai është një nga asetet me performancën më të mirë, me një rritje prej 53% që nga fillimi i vitit, pasi u zgjerua me 27% gjatë 2024.

"Gjasat janë që tregu do të synojë shifrën e radhës 5,000, pasi edhe Rezerva Federale do të vazhdojë uljen e normave të interesit," shpjegojnë analistët.

"Sigurisht që do të ketë pengesa, si një armëpushim i qëndrueshëm në Lindjen e Mesme ose në Ukrainë. Por faktorët themelorë që po e nxisin këtë trend, si borxhi masiv në rritje, diversifikimi i rezervave dhe dollari i dobët, nuk priten të ndryshojnë në periudhën afatmesme," shtojnë ata.

Rritja e arit është nxitur nga një përzierje faktorësh, duke përfshirë pritshmëritë për ulje të normave të interesit, pasiguritë politike dhe ekonomike, blerjet e forta nga bankat qendrore dhe dobësimin e dollarit amerikan.

Ndërkohë, mbyllja e qeverisë amerikane ka shtyrë publikimin e treguesve ekonomikë kryesorë të ekonomisë më të madhe në botë. Kjo ka detyruar investitorët të mbështeten në të dhëna dytësore joqeveritare për të vlerësuar kohën dhe shkallën e uljeve të mundshme të normave nga Fed. Për më tepër, trazirat politike në Francë dhe Japoni kanë shtuar kërkesën për metalin e verdhë si një aset i sigurt.

Analistët presin që fondet e investimit të mbështetura nga ari fizik, blerjet nga bankat qendrore dhe perspektiva për norma më të ulëta interesi në SHBA do të vazhdojnë ta mbështesin çmimin e tij edhe në vitin 2026./SCAN

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128