English
Luaj me Fjalëkryq
Lajme flash

Çmimet mbetën “në vend numëro”/ Inflacioni vlerësohet në 2.2%. Vajrat dhe yndyrnat kryesojnë rritjen e ushqimeve

10 Qershor 2025, 16:03 / EKONOMI&SOCIALE ALFA PRESS

Çmimet mbetën “në vend numëro”/ Inflacioni

Indeksi i Çmimeve të Konsumit për muajin Maj të këtij ka shënuar një rritje vjetore prej 2.2%, një normë e pandryshuar, krahasuar me të njetën periudhë të një viti më parë. Ndërkohë, ky tregues, i cili mat ndryshimet në çmimet e mallrave dhe shërbimeve të konsumit, ka shënuar rënie, krahasuar me një muaj më parë.

Rritja vjetore është nxitur kryesisht nga grupi “Ushqime dhe pije joalkoolike”, i cili kontribuoi me 1.11 pikë përqindje në inflacionin total. Është pasuar nga grupi “Qira, ujë, lëndë djegëse dhe energji” me një ndikim prej 0.30 pikë përqindje. Gjithashtu, çmimet e grupit “Mobilje, pajisje shtëpie dhe mirëmbajtje e shtëpisë” ndikuan me 0.24 pikë përqindje.

Në krahasim me Majin e vitit të kaluar, çmimet janë rritur më së shumti për grupin “Argëtim dhe kulturë” me 6.3%, pasuar nga grupet “Pije alkoolike dhe duhan” me 3.7%, “Ushqime dhe pije joalkoolike” dhe “Mobilje, pajisje shtëpie dhe mirëmbajtje e shtëpisë” me 3.2% secili, “Veshje dhe këpucë” me 2.5%, “Hotele, kafene dhe restorante” me 1.8%. Nga ana tjetër, grupi “Komunikimi” u rrit me 1.6%, “Qira, ujë, lëndë djegëse dhe energji” me 1.5%, “Mallra dhe shërbime të ndryshme” me 1.1%, “Shërbimi arsimor” me 0.9% dhe “Shëndeti” me 0.5%. Nga ana tjetër, çmimet e grupit “Transporti” shënuan ulje me 1.2%.

Në kuadër të ushqimeve, nëngrupet që kanë shënuar rritjen më të fortë janë “vajra dhe yndyrna” patën një rritje me 7.2%, pasuar nga nëngrupet “zarzavate përfshirë patatet” me 6.8%, “qumësht, djathë dhe vezë” me 4.8%, “mish” me 3.8%, “bukë dhe drithra” me 0.9%./SCAN

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128