Nga shtatori 2026 infrastruktura e transportit publik do menaxhohet nga shoqëria shtetërore “MobAl”

Nga shtatori 2026  për organizimin dhe mirëmbajtjen e infrastrukturës për funksionimin e  transportit publik rrugor, përfshirë parkun e autobusave, pikat e karikimit të mjeteve elektrike,  sistemin e biletave elektronike do të kujdeset shoqëria “MobAI” me kapital 100% shtetëror.

Me një vendim të miratuar nga Këshilli i Ministrave, është themeluar shoqëria aksionare me kapital 100% shtetëror “MobAl”, sh.a., me qëllim organizimin dhe operimin e shërbimit të transportit publik rrugor në Shqipëri.

Shoqëria e re do të operojë si një strukturë publike, nën varësinë e Ministrisë së Infrastrukturës dhe Energjisë, e cila do të përfaqësojë shtetin si aksionar i vetëm.

Kapitali fillestar prej 10 milionë lekësh do të transferohet nga buxheti i ministrisë, ndërsa “MobAl”, sh.a., pritet të ofrojë një sërë shërbimesh që përfshijnë:

a) operimin e shërbimit të transportit publik rrugor të udhëtarëve, përfshirë destinacionet turistike;

b) operimin e shërbimeve të rregullta të specializuara të transportit të udhëtarëve, përfshirë transportin e nxënësve dhe të punonjësve arsimorë;

c)organizimin dhe sigurimin e mirëmbajtjes së infrastrukturës së operimit, përfshirë parkun e autobusëve, stacionet, infrastrukturën e karikimit për mjetet elektrike, sistemin e biletimit elektronik, serverat për ruajtjen dhe përpunimin e të dhënave, si dhe çdo shërbim ose element tjetër të nevojshëm për funksionimin e shërbimit;

ç)  arkëtimin e tarifës së biletave në mënyrë fizike ose elektronike;

d) organizimin, licencimin dhe monitorimin e shërbimeve të transportit publik të udhëtarëve, sipas akteve ligjore dhe nënligjore në fuqi;

dh) krijimin ose sigurimin e sistemeve e të aplikacioneve elektronike për menaxhimin, informacionin dhe monitorimin e shërbimeve të transportit publik rrugor të udhëtarëve.

Sipas vendimit shoqëria “MobAl”, sh.a., mund të ofrojë shërbime të tjera shtesë për subjekte publike dhe private, në përputhje me qëllimin e krijimit, fushën e veprimtarisë dhe statutin e saj.

Shoqëria do të financohet nga të ardhurat e veta, tarifat, shërbimet për sektorin publik dhe privat, si dhe nga grante apo subvencione./ Monitor

Po ndodh...

17:02 FJALEKRYQI

Skemë kampionësh 10 shtator

16:36 POLITIKË

Trump e largoi nga administrata e tij në gusht të këtij viti, Berisha e Mediu takojnë Ed Martin

16:21 BOTA

BE rregulla të reja për qiratë ditore përmes Airbnb dhe Booking

16:07 AKTUALITET

Lëkundje tërmeti në Shqipëri, ja ku ishte epiqendra

15:55 POLITIKË

Rama premton mijëra çelësa deri në 2030/ Kredi me interes zero, 3% dhe qira të subvencionuara, sa familje do të përfitojnë realisht?

15:09 SHOWBIZ

Panik në vilën e Quentin Tarantinos, i panjohuri hyn brenda ndërsa njerëzit ishin në shtëpi

15:04 POLITIKË

SPAK sqaron refuzmin e takimit me avokatët e huaj të Veliajt: Nuk ka refuzim, por pamundësi organizative

14:32 POLITIKË

“Shijohet në maksimum infinity pool”, SPAK publikon email-et e Alban Eftimit që ‘fundosën' Ballukun për vilën e Palasës

14:25 POLITIKË

Vila 650 mijë € me pishinë e dizajn si jaht/ Si e financoi Arbër Abazi luksin e Ballukut. Lala jep detaje nga sekuestrimi i pasurisë: SPAK duhet të pyesë edhe Ramën

14:24 AKTUALITET

Mashtrim me bursa në Tiranë/ SPAK dhe prokuroria gjermane godasin qendrën e thirrjeve “Bluenergycall”, jepen 8 masa sigurie

14:19 KOSOVA

28 orë përgjime në Hagë, Prokuroria zbardh bisedat e Thaçit: U jepte udhëzime konkrete se çfarë t’u thoshin dëshmitarëve

14:04 KOSOVA

Prokuroria në Hagë mbyll fjalën përfundimtare, kërkon 6 vite burg për Hashim Thaçin

13:56 POLITIKË

“Revolucioni i Flamingove”/ The Guardian: Shqiptarët protestojnë për të rrëzuar elitat

13:43 EKONOMI&SOCIALE

SIGAL në RVS Monako me drejtuesit botërorë të risigurimeve: €1.5 miliardë kapacitet për katastrofat në Shqipëri

Dua të lexoj më shumë lajme