Lajme flash
Paga mesatare në vend u rrit me 11.7%/ Financat dhe IT iu sigurojnë qytetarëve rrogat më të larta
14 Shtator 2025, 18:57 / EKONOMI&SOCIALE
Gjatë tremujorit të dytë të vitit 2025, paga mesatare në vend arriti 83,906 lekë, duke shënuar një rritje të ndjeshme prej 11.7% krahasuar me të njëjtën periudhë të vitit të kaluar. Edhe krahasuar me tremujorin e parë të këtij viti, paga mesatare u rrit megjithëse me një ritëm më modest.
Megjithatë, kjo rritje nuk ka qenë e njëtrajtshme në të gjithë sektorët e ekonomisë. Aktivitetet financiare dhe të sigurimit, si dhe informacioni dhe komunikimi, kanë vazhduar të jenë fushat më të paguara, duke reflektuar kërkesën e lartë dhe të vazhdueshme në tregun e punës.
Për këtë tremujor, administrata publike, e ndjekur nga sigurimi social i detyrueshëm, arsimi, shëndetësia dhe aktivitetet e punës sociale, shënuan rritjen më të madhe të pagave, me 16.9%. Krahasuar me një vit më parë, rritja më e lartë u regjistrua tek Forcat e Armatosura dhe tek specialistët me arsim të lartë, me 23.2% dhe 13.6% .
Ndërkohë, rritja më e ulët ishte tek profesionet menaxheriale, ligjvënëse dhe drejtore ekzekutive, me 8.8%, gjë që është e pritshme pasi këto profesione tradicionalisht kanë paga të larta dhe rritja e tyre është disi e kufizuar.
Të dhënat e tremujorit të dytë tregojnë se profesionet me paga mesatare më të larta vazhdojnë të jenë për pozicionet e ligjvënësve, drejtorëve ekzekutivë dhe specialistëve me arsim të lartë. Një tjetër aspekt interesant lidhet me pagat minimale; sipas Institutit të Statistikave, gjatë kësaj periudhe u vërejt një ulje e numrit të punonjësve me pagë minimale dhe një rritje e atyre me paga më të larta. Shpërndarja aktuale e pagave është më e balancuar dhe e përqendruar tek kategoritë mesatare dhe të larta të pagës./SCAN
Po ndodh...
Denoncimi i berishizmit është parakusht për denoncimin e pushtetit
Nga Blendi Kajsiu
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128