Lajme flash
Zv.Guvernatorja e parë e BSH-së: Gjatë 2025-ës pritet kthim i inflacionit në objektivin prej 3%
5 Janar 2025, 18:28 / EKONOMI&SOCIALE
Banka e Shqipërisë parashikon që inflacioni për vitin 2025 do të qëndrojë në kufijtë e 3%.
Zëvendësguvernatorja e parë e Bankës së Shqipërisë Luljeta Minxhozi, në një intervistë për media tha se inflacioni ka ardhur në rënie të shpejtë, duke u rikuperuar plotësisht nga goditja që pësoi për shkak të rritjes së çmimeve në tregjet ndërkombëtare dhe arriti në nivelin 2% në nëntor të vitit 2024.
“Gjatë 2025-ës pritet kthim i inflacionit në objektiv prej 3%”, tha ajo.
Sipas saj, ekonomia ka kapërcyer të gjitha hendeqet e krijuara nga faktorë ekonomikë, por jo vetëm, dhe duket se ka hyrë në normalitet.
“Kufijtë e inflacionit janë afër normës natyrore. Transaksionet nuk janë të ndikuara nga ndryshimet e vlerës së parasë”, tha ajo.
Minxhozi u ndal edhe në luhatjet e tregut valutor dhe angazhimet e Bankës Qendrore për forcimin e pozitave të lekut.
“Ka pasur luhatje në tregjet valutore sa i takon lekut me monedhat e tjera të huaja, kryesisht me monedhën euro, që është kryesore në ekonominë shqiptare.
Nga analizat tona del që euroja është nënçmuar si rezultat i flukseve tregtare që ne kemi. Problemi është që ekonomia shqiptare në tregjet e brendshme duhet të përdorë monedhën kombëtare.
Përdorimi i pakufizuar i euros shkakton faktorë ekonomikë që nuk janë në kontroll as të bankave, as të bizneseve dhe as të bankave qendrore.
Banka Qendrore është zotëruese e monedhës kombëtare dhe udhëzon që forma më e mirë e të bërit biznes në ekonominë e brendshme dhe transaksionet në ekonominë e vendit të bëhen në lekë”, theksoi zëvendësguvernatorja Luljeta Minxhozi.
Po ndodh...
ide
Demokracia do të triumfojë mbi autokracinë!
Nga Azgan Haklaj
Donald Trump do të pushtojë planetin Mars
Nga Erl Kodra
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128