Kërkoi lirimin nga qelia, merret vendimi për “bosin e mikrokredive”

2025-02-05 11:22:24 / AKTUALITET ALFA PRESS

Kërkoi lirimin nga qelia, merret vendimi për “bosin e

Në një hark kohor prej dy javësh, Gjykata e Posaçme ka rrëzuar sërish kërkesën e Arben Meskutit për shuarje të masës së sigurisë “arrest në burg”.

Meskuti mbahet në qelinë e paraburgimit nën dyshimin se ka mashtruar mijëra qytetarë debitorë përmes mikrokredive. Ky i fundit është pronar i disa shoqërive financiare që ngritën skema piramidale.

Procedimi penal për skemën e mashtrimit me mikrokreditë nisi në shkurt të vitit 2020 nga prokuroria e Tiranës, pas një kallëzimi që u bë nga Ministria e Drejtësisë, ku organi i akuzës zbuloi se 5 shoqëri, Micro Credit Albania, ADCA, SHP Zig, FS, FLASH, morën nga një bankë e nivelit të dytë 3999 kredi të konsideruara të këqija dhe të pashlyera gjatë viteve, me një shumë totale prej rreth 7.3 milionë euro.

Në dhjetor të vitit të kaluar, prokuroria e Tiranës shpalli moskompetencë për dosjen e mikrokredive duke e referuar atë në Prokurorinë e Posaçme Antikorrupsion.

services

  • POLICE129
  • STREET POLICE126
  • AMBULANCE112
  • FIREFIGHTER128