Lajme flash
Mbaje të shkretën, o turist!
22 Prill 2024, 14:42 / IDE
Në sallēn e Mbërritieve të aeroportit shqiptar “Nënë Tereza” në Rinas nuk punon tualeti!!!
Tek prisja ditët e fundit bagazhet e mia në sallën e pritjes së aeroporti “Nënë Tereza” në Rinas, pranë meje dëgjova një të huaj që u ankua se kishte shkuar te tualeti i sallës, por nuk punonte. Ia tha si me të qeshur këtë shoqëruesve të tij, njëri prej të cilëve tha po me të qeshur:
- Welcome to Albania!
- Keep it! - ia hodhi tjetra dhe qeshi me të madhe. (Mbaje!)
Turisti që kërkonte tualetin erdhi rrotull dhe nisi te priste me ankth tek e çara e daljes së bagazheve. Në tonin e bisedës së tyre nuk kishte qortime, por unë u shkëputa dhe pyeta se cili ishte shefi në atë sallë. Nuk qenkësh aty dhe duhet të shpjegoja se përse e doja.
- Po ja, dua të di përse nuk ka tualet kjo sallë?
- Po ka atje jashtë, ka këtej, ka andej, - më shpjegoi një prej policëve që m’u duk më me rēndësi.
- Por kjo është sallë pritjeje dhe udhëtarët nuk mund të dalin jashtë pa bagazhet dhe ato mund të vonojnë.
- Por le ta mbajnë pak!
- Por ka që e mbajnë dhe ka që nuk e mbajnë dot! - thashë.
- Ç’të them, është prishur sot.
- É dini ju se sa para paguajnë shqiptarët për këtë aeroport?
- Nuk é di, por e marr me mend.
Bagazhet erdhën në ndërkohë dhe turisti që e “kishte prerë urina” mori drejt e nga dritarja valixhen e tij dhe vrapoi drejt daljes.
Të mos ketë tualet në një sallë pritjeje aeroporti është një gjë ç’njerëzore!
Po ç’bëhet me 10 milion turistët e gjorë që i shitëm prej muajsh si fitorja jonë é madhe!? Nuk po bëj komente, por rendis faktet:
1.Nga viti 2010-2024 shqiptarët kanë paguar mbi 700 milion euro për koncensionarin e aeroportit
2.Në vitin 2022 koncensionari ka mbi 13 milion euro fitim, gati tri herë më shumë se kapitali koncensionar
3.Nga viti 2010-2024 koncensionari ka fituar mbi 200 milion euro në aeroportin e Rinasit
4.Në vitin 2020, koncensionari aë zgjaste deri në vitin 2027 u dorovit edhe me 13 vite shtesë
5.Koncensioni do të zgjasë deri në vitin 2039
Mos doni të thoni që i keni mbyllur ngaqë po rikonstruktoni? Askund në botē nuk punohet pa siguruar më parë të jetohet. Dhe këtu hyn edhe WC
-
Vdekja e politikës/ "Asgjë personale është thjesht biznes"
22 Prill, 11:19
Po ndodh...
Pse Aleanca Madhështore përfundoi në Foltore 2
Nga Namir Lapardhaja
ide
Teatri politik me listat e PS dhe PD
Nga Roland Lami
Shqipëria Madhështore apo Shqipëria e Pazarit Madhështorë!
Nga Ermal Peçi!
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128