Lajme flash
Po t'i pyesësh çfarë vitit presin të festojmë me siguri do të thonë 1998!
17 Nëntor 2025, 20:42 / IDE
Shqipëria në përgjithësi dhe e djathta në veçanti kanë personalitete të jashtëzakonshme me nivel të lartë publik e profesional, por ata për fat të keq nuk janë e nuk kanë si të jetë pjesë e PD te bunkerizuar!
Mjafton të shikosh kush janë folësit, kush janë deputet që përfaqësojnë për fat të keq logon e PD për të kuptuar pse nuk mund të jetë alternativë dhe pse nuk i fiton dhe nuk mund t'i fitojë zgjedhjet!
Nuk duhet shkencë e madhe për të kuptuar pse ka përfunduar kështu PD, sepse mjafton të shikojmë e të dëgjojmë ata që e përfaqësojnë!
Nuk merremi me Opozitën, sepse e kemi më këtë të fundit! Merremi me të fundit, sepse kjo duhet të jetë shpresa e vetme për një të ardhme më të mirë!
Dikush mendon se duhet të merremi me Pozitën! Kjo në fakt është e kotë dhe nuk na sjellë asgjë të re! Është sikur të kritikonin shqiptarët Enver Hoxhën ose Ramiz Alinë pse nuk hapnin sistemin dhe pse nuk e demokratizonin atë, kur në fakt e kishin shkrua në Kushtetutë "Diktatura e Proletariatit".
Të gjithë e dinin se Enver Hoxha dhe Ramiz Alia nuk mund të ishin ndryshe e nuk mund të tjetërsoheshin! Shpresa e vetme e shqiptarëve në fillim të viteve '90 ishte ngritja e qytetarëve për më shumë liri dhe kjo ndodhi! E dini pse ndodhi? Sepse, atëherë kishte shpresë se diçka më e mirë do të vinte pasi e keqja kishte arritur maksimumin!
Pse nuk ndodh tani? Sepse, kjo Opozitë e provuar disa herë, për fat të keq nuk ngjallë shpresë!
Mungesa e shpresës dhe zhgënjimi i madh dhe i vazhdueshëm i ka bërë qytetarët të pafuqishëm ndaj politikës dhe për fat të keq kanë ndjekur rrugën e braktisjes dhe të largimit!
Duhet të merremi me Opozitën derisa ajo të kthehet në lartësinë e misionit të saj të vërtetë për të qenë alternativë qeverisëse!
Koha duket sikur ka kaluar me shpejtësi dhe ndoshta ata të lindur pas vitit 2000 as nuk i kujtojnë protestat e dimrit 1998! Ishin kohë të vështira, Bulevardi i Dëshmorëve të Kombit në darkë nuk kishte drita, nuk kishte ndriçim në rrugë e as zbukurime për festat, rrugët ishin me baltë e gropa, shqiptarët ishin të veshur në shumicë me rroba të përdorura, por çdo mbrëmje PD e asaj kohë niste marshimin nga qendra drejt Kryeministrisë! Thirrjet ishin monotone dhe të përdorura: "Nano ik"; "Liri Demokraci" , "Sali Berisha, Sali Berisha"!
Nuk e di pse më ngjau protesta e sotme atë atmosferë që unë e kam përjetuar si adoleshent! Në fakt që atëherë mendoja si të largohesha nga Shqipëria e bashkë me mua u larguan në vazhdimësi shumë të tjerë edhe në kohën kur Berisha erdhi në pushtet dhe kur tha se do të largohej nga pushteti!
Më erdhën në mendje protestat e mbrëmjeve të ftohta e pa drita të dimrit 1998, sepse nga kronikat që pashë kuptova se në shesh ishin shumica e atyre që e shoqëronin në atë kohë Berishën, sigurisht tani më të moshuar, të lodhur e të veshur përsëri me rroba të përdorura! Koha për t'a dukej sikur s'ka lëvizur, sepse në psikozë e tyre jetojnë në të njëjtin dimension me ato të vitit 1998 me dallimin se atëherë ishte i nderi Nano dhe sot përballë kanë Ramën dhe ndërkohë në t'a e krah tyre është gjithmonë Berisha edhe pse më ca vite më shumë e me situata të tjera! Atëherë Berisha konsiderohej hero, sepse i kishte mbijetuar '97 e kishte moralin e lartë për të vazhduar betejën e tij! Ndërsa sot shumica nuk e din se çfarë betejë reale ka dhe për çfarë po e bën!
Çfarë zhgënjimi e shoqëruan e mbështeten atë me varfëri, erdhi në pushtet, iku e tani përsëri do të rikthehet por ata janë përsëri në varfëri! Sigurisht duke përjashtuar ata që janë rrethi i tij i ngushtë që përfituan sa deshën dhe u shpërblyen me pushtet dhe privilegje!
Aq origjinal dhe të pandryshuar në kohë mu dukën protestuesit sonte sa jam i sigurt që nëse i pyet çfarë viti presin të festojnë do të përgjigjen se: Po presim Vitin e Ri 1998! Koha për t'a siç duket është ndaluar mes iluzioneve, nostalgjisë dhe dëshpërimit të kthyer në monotoni!
Po ndodh...
Karmën nuk e ndalon dot Sali Berisha!
Nga Bato Kosova
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128