AlfaPena/ Poezi nga Petrit Ruka: Po përkthej një grua...

AlfaPena është një rubrikë letrare në Alfapress.al, dhe ka si qëllim të promovojë letërsinë e mirë shqipe dhe jo vetëm, të çdo poeti dhe shkrimtari.

Petrit Ruka: PO PËRKTHEJ NJË GRUA

Tërë jetën

përkthejmë shenja në mendje,

hap e mbyll zemrën si një fjalor i pafund,

fillojmë me ujërat në barkun e nënës,

të parin e të fundit det që na tund…

Dhe bëjmë si bëjmë, sa shfaqet një grua,

që kthehet në kryeveprën

e letërsisë botërore,

skulpturë e përsosur gjer në majën e thoit,

lëmuar me puthje e dritëra hyjnore…

Ta dish sa po vuaj, moj grua e vogël,

tek përkthej mendjen tënde

plot dëshira biblike,

format e trupit që kopjohen me dorë,

si me qumësht blete

pas brinjëve nevrike…

Medet, të lexosh shijet e tua për burrin,

fshehur pas turpit,

si në zhguallin e një breshke,

është njësoj si ta shkruash “Iliadën” të tërë

në petalen e bardhë të një pjeshke…

Zoti im, si ta kryej këtë punë manastiresh,

pa e bërë dhi egroshe mendjen

sipër malit?

Kam frikë se do vdes te gjysma e qerpikëve,

te zilkat e kaçurrelave të ballit.

Si përkthehen gjinjtë me gjuhën e gojës,

pa i pirë përmendësh si foshnjë

te sisa e nënës?!

Pastaj vithet e kofshët buzë ndonjë lumi,

shqipëruar në gjuhën e barit e të hënës?!

Ah, hajde të t’i gjesh në fjalorët e rëndë,

ëndrrat sarhoshe

që të fryhen në mbrëmje,

pastaj të të akordosh mbi gjunjë si kitarë,

në re, në sol…

në dhembje!

Je deng i madh papirusesh me dëshira,

biblioteka e botës

në lëkurë të është shkruar.

Nuk di si do t’ia bëj te paragrafi i buzëve,

me fjalorët e Zotit në duar!

Po mbase bëhem një mjeshtër si Noli,

në të përkthyer e sipër

e mësoj mjeshtërinë.

Ndërkohë që të lutem

me fyej pëshpërimash

ma mbaj me iso nga poshtë dashurinë!…

Ej, miq të moçëm sa vera e Krishtit,

them ta lë poezinë ca kohë,

sa të qajë për mua!

Në më pafshi në rrugë të përhënur

mos pyesni!

Sa ua thashë, o njerëz,

po përkthej një grua…/Alfapress.al

Po ndodh...

00:00 Fjalëkryq

Skemë e lirë 14 korrik

22:37 JETË

E ëmbël, por edhe e rrezikshme/ Ja dëmet që shkakton në organizëm konsumimi i tepërt i çokollatës…

22:29 BOTA

Trump shqyrton autorizimin e fondeve të reja për Ukrainën

22:26 POLITIKË

Ish-nënkryetarja e “Shqipëria Bëhet” flet për dorëheqjen

22:24 SPORT

Finalja e Kupës së Botës për Klube, presidenti Trump ndjek nga afër sfidën Chelsea-PSG

22:06 POLITIKË

“Rakisë iu hodh ujë”/ Ish-presidenti Moisiu: Reforma në drejtësi u prish një natë para votimit. Ja ku "çalon"

22:05 BOTA

SHBA/ Një person i armatosur qëllon oficerin e policisë dhe më pas hap zjarr drejt një Kishe

21:52 BOTA

Presidenti gjerman Steinmeier bën thirrje për rikthimin e detyrimit ushtarak: Në Evropë ka luftë të vërtetë! Rusia ka shkatërruar...

21:37 AKTUALITET

Aksioni në Theth/ Famullitari i Shkodrës: Ato njerëzit e shkretë i joshën, i rrejtën dhe në fund i tradhtuan

21:23 BOTA

Itali/ Gruaja shtatzënë hidhet nga dritarja, mjekët përpiqen të shpëtojnë foshnjën

Nga Alban Daci 21:01 IDE

Shqipëria "tokë e zanun" e politikës!

Nga Alban Daci

20:45 AKTUALITET

“Kompleksi Partizani”/ Ish presidenti Alfred Moisiu: Toka ka qenë blerë nga italianët, drejtësia të gjejë dokumentet

20:39 SPORT

Ylli i Barcelonës/ Yamal mbush 18 vjeç, festë sekrete në Spanjë

20:32 AKTUALITET

Përplasen dy Jet Ski në det 800 metra larg bregut! Një i plagosur, drejtuesi tjetër shoqërohet në polici

Dua të lexoj më shumë lajme