Unioni i Gazetarëve nderon me çmimet gazetarët arbëreshë në Bari

11 Shkurt 2024, 14:43 / JETË ALFA PRESS

Unioni i Gazetarëve nderon me çmimet gazetarët

Veprimtaria e përvitshme “Dita e Miqësisë e Gazetarëve”, këtë edicion të 16 u zhvendos në Bari të Italisë pranë gazetarëve arbëreshë.  Unioni i Gazetarëve Shqiptarë në emër të miqësisë dhe solidaritetit vlerësoi gazetarin e njohur arbëresh Mario Calavia i cili prej vitesh është urë e rëndësihme lidhje mes medias shqiptare dhe asaj arbëreshe.

Unioni i Gazetarëve Shqiptarë vlerësoi zotin Hasan Aliaj, kryeredaktorin e gazetës periodike “Rrënjët”, e cila botohet prej më shumë se 30 vite. Në ceremoninë e veçantë, Fondacioni “Dritëro Agolli” ndau çmimin “Dritëro Agolli” për kryetarin e unionit të gazetarëve shqiptar Aleksandër Çipa.

Në 15 edicionet e mëparshme, organizatorët e Ditës së Miqësisë se Gazetareve Shqiptarë kanë zhvilluar aktivitetin në qytete të ndryshme brenda vendit dhe në qytete në gjithë hapësirat shqiptare; Elbasan, Shkodër, Korçë, Prishtinë, Tetovë, Strugë, Ulqin, Prizren dhe Preshevë.

Kjo shtrirje ka bërë që gazetarët shqiptarë të kenë mundësinë e njohjes dhe të bashkëpunimit të ngushtë për të gjitha problemet, që lidhen me ushtrimin e profesionit dhe misionit fisnik të gazetarit dhe përmirësimin e profesionalizmit dhe etikës së mediave.