Dialogu në Bruksel/ Kosova dhe Serbia arrijnë marrëveshje për targat, ja çfarë parashikohet

23 Nëntor 2022, 22:57 / KOSOVA & BOTA ALFA PRESS

Dialogu në Bruksel/ Kosova dhe Serbia arrijnë marrëveshje

Kosova dhe Serbia, kanë arritur sot marrëveshjen për targat në Bruksel, në një takim që lehtësohej nga BE.

Përfaqësuesi i Lartë i BE-së për politikë të jashtme, Josep Borrell, ka bërë të ditur se kryenegociatorët e Kosovës dhe të Serbisë,  kanë rënë dakord për masat, për të shmangur përshkallëzimin e mëtejshëm dhe për t’u përqendruar plotësisht në propozimin për normalizimin e marrëdhënieve mes tyre.

“Serbia do të ndalojë lëshimin e targave me emërtimet e qyteteve të Kosovës dhe Kosova do të ndërpresë veprimet e mëtejshme në lidhje me riregjistrimin e automjeteve”, tha ai.

Takimi në Bruksel mes kryenegociatorëve Petkoviç dhe Bislimi, është zhvilluar vetëm dy ditë pas një takimi që ka rezultuar pa marrëveshje mes kryeministrit të Kosovës, Albin Kurti, dhe presidentit të Serbisë, Aleksandar Vuçiç, lidhur me çështjen e targave. 

Kosova dhe Serbia kanë nisur negociatat për normalizimin e marrëdhënieve më 2011, me ndërmjetësimin e Bashkimit Evropian.

 

 

 

Po ndodh...