Një vit nga sulmi i Banjskës, Kurti pas vizitës në familjen Bunjaku: Kosova i del zot vetes, askush nuk mund ta cenojë sigurinë

Rënia e Afrim Bunjakut është dëshmi që Kosova edhe i del zot vetes, edhe ngadhënjen në çdo betejë. Kështu u shpreh kryeministri Albin Kurti, pas vizitës në familjen e heroit  të Kosovës, Afrim Bunjaku, i vrarë një vit më parë në sulmin terrorist në Banjskë të Zveçanit.

Në një deklaratë për gazetarët, Kurti deklaroi se sot askush nuk mund ta cenojë sigurinë dhe stabilitetin e vendit të tij, pasi shteti kontrollon të gjithë territorin e vendit, teksa theksoi që edhe numri i policëve po rritet.

“Sot Kosova nuk ka burime të brendshme që e cenojnë sigurinë dhe stabilitetin dhe që nuk arrijmë t’i kontrollojmë apo menaxhojmë anëekënd Kosovës është shteti i Kosovës, i Republikës demokratike të pavarur. Numri i policëve e kadetëve të rinj po rritet. Morali i policisë e ushtrisë sonë kurrë nuk ka qenë më i lartë”, tha Kurti.

Sipas kreut të qeverisë së Kosovës flijimi i Afrim Bunjakut ia ka vlejtur për policinë, shtetin dhe gjeneratat e ardhshme. Kurti theksoi se forcat armike fshihen në Serbi pas ikjes me turp nga kosova një vit më parë.

“Ky flijim i rreshterit të policisë, heroit të Kosovës ia ka vlejtur për policinë, shtetin dhe gjenerata e ardhshme. Ata policë që ishin në betejë me të nuk lejuan që trupi i pajetë i heroit tonë të bjerë në duart e forcave armike që ishin të dirigjuara nga Serbia me paramilitarë që kishin armatim më shumë. Ikën me turp, i lanë të vrarët e të plagosurit e tyre dhe sot fshihen në Serbi se dinë që e kanë të humbur betejën me shtetin tonë”, u shpreh kryeministri.

Ai akuzoi sërish Serbinë si përgjegjëse për sulmin e Banjskës dhe kërkoi nga ndërkombëtarët që Serbia të japë llogari për këtë ngjarje.

“Serbia është përgjegjëse dhe duhet të japë përgjegjësi dhe në këtë pikë kërkojmë mbështetjen e faktorëve ndërkombëtare”.

Kurti njoftoi gjithashtu se kujtimi i heroit Afrim Bunjaku do të jetësohet me rrugën që mban emrin e tij.

“Idealet e dëshmorëve për ne do t’i jetësojmë dhe po i jetësojmë. Kujtimin tonë për ta do ta përjetësojmë. Sot në Banjskë është vendosur tabela rruga Afrim Bunjaku. Kjo është rruga e të gjithëve ne. Lavdi Afrim Bunjakut dhe dëshmorëve të Kosovës!".

Po ndodh...

00:03 FJALEKRYQI

Skemë e lirë 9 shtator

23:02 POLITIKË

Mbyllet tubimi i 101-të, protestuesit thirrje: Nesër më shumë

22:32 POLITIKË

“Arrestoni Ramën”/ Nuk ndalen protestuesit, bllokojnë kryqëzimin tek 21-shi

22:21 POLITIKË

“Shqipëria e shqiptarëve, vdekje tradhtarëve”, revolta vazhdon në rrugët e Tiranës

22:04 AKTUALITET

Të shtëna me armë në Laprakë, dy persona transportohen te Spitali i Traumës 

21:50 SPORT

Champions League/ Tjetër gafë fatale nga zikaltërit, Reali shënon dhe të dytin

21:32 POLITIKË

“Kjo nuk është demokraci! Politikanët si sheikët”/ Protestuesi me tone të forta kundër qeverisë: Jemi në diktaturë, shqiptarë bashkohuni!

21:09 POLITIKË

“Arrestoni Ramën, lironi shqipet!”/ Protestuesit të pandalshëm, stacionohen te Drejtoria e Policisë

20:53 POLITIKË

U shoqëruan gjatë protestës/ “Qëndroni të bashkuar!”, Lapaj dhe gazetari Gashi nxjerrin videon nga komisariati: Rama na dha sot një dekoratë! Kështu do ta…

20:47 POLITIKË

Dita e 101 e revoltës popullore! Oshëtijnë thirrjet në Bulevard: Rama n’burg, Berisha n’burg!

20:23 AKTUALITET

Pagat e magjistratëve/ Mbledhje e jashtëzakonshme më 10 shtator

19:56 POLITIKË

“Poshtë Edi Rama!”/ Asgjë s’i ndal protestuesit, marshim nga Sheshi Skënderbej drejt Kryeministrisë

19:35 POLITIKË

Protestë prej 2 orësh! Qytetarët nuk tërhiqen nga aksioni, thirrje kundër klasës politike: Deputetë analfabetë!

19:22 POLITIKË

Kaos në rrugën “George W Bush”! Efektivët kërkojnë “zhbllokimin” e aksit, qytetarët "zënë rrënjë", vijojnë shoqërimet

Dua të lexoj më shumë lajme