Nuk do të ketë më cigare elektronike? SHBA ndalon prodhimin e tyre nga kompania kryesore

23 Qershor 2022, 20:36 / KOSOVA ALFA PRESS

Nuk do të ketë më cigare elektronike? SHBA ndalon prodhimin e

Shtetet e Bashkuara po i ndalojnë të gjitha produktet e prodhuara nga Juul, një nga kompanitë e cigareve elektronike.

Administrata e Ushqimit dhe Barnave (FDA) tha se nuk kishte të dhëna të mjaftueshme që produkti i firmës ishte “i përshtatshëm për mbrojtjen e shëndetit publik”.

Kjo vjen pas përpjekjeve të tjera të fundit kundër duhanit nga FDA, duke përfshirë planet për të reduktuar sasinë e nikotinës varësuese të lejuar në cigare.

Agjencia kishte ndaluar tashmë shijet e frutave që ndihmuan ta bënin Juul një fenomen mes adoleshentëve disa vite më parë, raporton bbc.

Në vitin 2020, FDA tha se do t’u kërkonte kompanive të dorëzonin produktet e tyre të cigareve elektronike për miratim. Që atëherë, disa prej tyre u ka dhënë dritën jeshile.

Juul, e themeluar në Kaliforni në vitin 2015 nga disa ish-duhanpirës, ka promovuar produktin e tyre të avullit si një alternativë më të shëndetshme ndaj cigareve tradicionale të duhanit.