“Padrejtësi ndaj luftëtarëve të UÇK-së”/ Nis protesta kundër Gjykatës Speciale në Prishtinë

Ka nisur protesta në Prishtinë, e organizuar nga Organizata e Veteranëve të Luftës së UÇK-së (OVL) kundër vendimeve të Gjykatës Speciale ndaj ish-komandantëve të UÇK-së. Një numër i madh i qytetarëve po vazhdojnë t’i bashkohen protestës së thirrur në sheshet e Prishtinës.

“Jemi mbledhur për drejtësi, kundër padrejtësisë”, janë fjalët me të cilat nisi kjo protestë.

Kryetari i Organizatës së Veteranëve të Luftës së UÇK-së, Hysni Gucati, gjatë fjalës së tij, u shpreh se Gjykata Speciale është anti-UÇK dhe po deformon historinë.

“Kjo Gjykatë ne e dimë se është një Gjykatë e njëanshme, kundër anti-UÇK, një Gjykatë anti-shtetit të Kosovës”. Ai shton: “Gjykata Speciale po deformon historinë tonë, nën petkun e drejtësisë së cilën e ka përdhosur kjo Gjykatë, po bën padrejtësi ndaj atyre që u ngritën për liri, dinjitet dhe ekzistencë njerëzore. Luftëtarët e UÇK-së ishin përgjigja legjitime e popullit tonë, të shtypur kundër një regjimi kriminal, siç ishte Serbia në krye me Millosheviçin”.

Deputetja e AAK-së, Time Kadriaj nisi të këndonte para kamerës këngën për heroin Adem Jasharin. Më pas ajo u shpreh: “Unë jam me fat që s’e kam votuar Gjykatën Speciale. Është vendimi më i mençur që kam bërë në historinë parlamentare”.

Ndërkohë Faik Shehu, nënkryetar i OVL-UÇK dega në Has deklaroi: “Gjykata e cila është themelu mbi bazën e drejtësisë, është duke ba padrejtësi ndaj popullit që është persektu nga Serbia”.

Në protestë foli dhe e mbijetuara e dhunës seksuale gjatë luftës në Kosovë dhe ish-deputetja, Vasfije Krasniqi. Ajo tha para kamerave: “Sot kam dalë këtu për t’i mbrojtur vlerat tona kolektive. Është pak me vonesë, por shpresoj që të jetë protestë e fortë për t’i mbështetur vlerat tona të UÇK-së”.

Me moton “Kundër padrejtësisë”, organizatorët thanë se synojnë të tërheqin vëmendjen për mbajtjen e komandantëve të luftës, në Hagë.

Protestës i është bashkuar edhe kreu i partisë shqiptare Bashkimit Demokratik për Integrim Në Maqedoninë e Veriut, Ali Ahmeti.

Ish-drejtuesit e UÇK-së, mes të cilëve edhe ish-presidenti Hashim Thaçi gjenden në paraburgim në Hagë prej vitit 2020 të akuzuar për krime lufte dhe krime kundër njerëzimit.

Po ndodh...

20:00 POLITIKË

“Firmat për Endrit Shabanin ishin gabim, kërkoj ndjesë”/ Berisha: Është avokat i Edi Ramës!

19:44 POLITIKË

Rama u rrit rrogën vartësve tek Drejtoria e Shërbimeve Qeveritare

19:31 POLITIKË

Bardhi takon ndihmës prokuroren e Përgjithshme të SHBA: Lufta kundër krimit dhe korrupsionit rruga e vetme që Shqipëria të ecë përpara!

19:23 POLITIKË

Berisha pas vendimit të Kushtetueses: Rama e shpëtoi Ballukun, do të nisim protestat

19:13 POLITIKË

“Shqipëria Bëhet” protestë para Kryeministrisë, policia ndërhyn sërish dhe u heq çadrat

18:56 AKTUALITET

Aksident në Lezhë/ Makina përplaset me motoçikletën, dy të plagosur

18:32 POLITIKË

“Çfarë nuk na kanë punuar ne”/ Berisha në Foltoren e Elbasanit: Dështuan se jemi parimor dhe të pamposhtur!

18:22 SPORT

Interes shfaqin edhe fqinjët, ish-sulmuesi i Kombëtares dhe Juventusit planifikon rikthimin

18:02 POLITIKË

Kushtetuesja kthen Ballukun në detyrë deri më 22 janar, Agron Shehaj: I dha Ramës pak kohë më tepër, asgjë më shumë!

17:52 AKTUALITET

Pamjet të rënda/ Porositën rrahjen me çekiç të 26-vjeçarit, në kërkim 2 personazhet e TikTok! Në pranga autori...

17:41 AKTUALITET

Ndahet nga jeta babai i ish-presidentit të ndjerë Bujar Nishani

17:40 POLITIKË

Avokati popullit/ Bardhi: Peleshi keqpërdori firmat tona

17:38 Fjalëkryq

Skemë kampionësh 12 dhjetor

17:24 AKTUALITET

Rrëzohet avioni në Maqedoninë e Veriut, lëndohen dy shqiptarë

Dua të lexoj më shumë lajme