Lajme flash
U raportua se ka marrë 250 gjobë nga Gjykata Themelore, Albin Kurti: Më dënojnë nganjëherë mua, por ju mos u mërzisni
2 Prill 2025, 19:09 / KOSOVA
Kryeministri në detyrë i Kosovës, Albin Kurti ka reaguar pas raportimeve se është dënuar me 250 euro nga Gjykata Themelore në Prishtinë për shkak të mos paraqitjes në Prokurorinë Speciale (PSRK) për të dëshmuar lidhur me rastin e rezervave shtetërore.
Ai ka thënë se ndonjëherë e dënojnë atë, mirëpo ka sugjeruar që gazetarët të mos mërziten për këtë.
“Më dënojnë mua nganjëherë, por mos u mërzitni ju”, ka deklaruar Kurti, sipas mediave në Kosovë.
Albin Kurti është paralajmëruar që nga fundi i viti i kaluar se nëse nuk dëshmon në prokurori, do të gjobitet.
Ai ka kërkuar vazhdimisht që prokurorët t’i shkojnë në zyrë dhe ka thënë se ka precedent për këtë, por gjykata e ka urdhëruar atë që të dëshmojë në prokurori.
Kurti është ftuar të dëshmojë lidhur me dyshimet e prokurorisë në rastin e rezervave shtetërore, pasi dyshon se shteti është dëmtuar me rreth 600.000 euro gjatë blerjes së produkteve për rezervën shtetërore.
Po ndodh...
Tallja e Ramës me integrimin në BE
Nga Namir Lapardhaja
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128