Lajme flash
Ushtria e Turqisë dislokon rreth 350 trupa në Kosovë
8 Dhjetor 2024, 19:35 / KOSOVA
Ushtria e Turqisë ka dislokuar në Kosovë rreth 300 trupa në misionin paqeruajtës të NATO-s. KFOR ka bërë të ditur se ata do të zëvendësojnë njësitë italiane. Ushtarët janë nga brigada e 65-të e këmbësorisë do të kryejnë një sërë aktivitetesh së bashku me trupat e KFOR-it dhe do të përfshihen në përgjigjen ndaj çdo zhvillimi të rëndësishëm të sigurisë.
KFOR-i përsëriti se është i aftë që të parandalojë çdo rrezik të mundshëm përshkallëzues “dhe të përballet me çdo skenar të sigurisë” sipas mandatit që i buron nga Rezoluta 1244 e Këshillit të Sigurimit të Kombeve të Bashkuara.
NATO-ja e ka shtuar praninë e saj në Kosovë gjatë vitit 2023, pas rritjes së tensioneve në veriun e banuar me shumicë serbe.
Aktualisht, KFOR-i ka mbi 4.400 trupa ushtarake në Kosovë. KFOR-i është reaguesi i tretë i sigurisë në Kosovë, pas Policisë së Kosovës që është e para dhe pas misionit të Bashkimit Evropian për sundim të ligjit, EULEX.
Për sigurinë e kufijve të Kosovës me Serbinë është përgjegjës misioni i NATO-s, ndërsa për pjesën tjetër të vijës kufitare Policia e Kosovës.
-
Pasi u rrëzua nga pushteti, Assad shkon në Moskë
8 Dhjetor, 19:22
Po ndodh...
Turpi i revolucionarëve të Saliut në Bruksel
Nga Bato Kosova
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128