Lajme flash
3 nga 4 biznese europiane varen nga teknologjia amerikane për të operuar
5 Gusht 2025, 20:49 / MISTERE&KURIOZITETE
Një analizë e re ka zbuluar se rreth 75% e kompanive të listuara në bursat europiane mbështeten në kompanitë amerikane për shërbime teknologjike thelbësore, përfshirë sektorët kritikë si bankat dhe telekomunikacioni.
Studimi, i kryer nga ofruesi zviceran i cloud-it Proton, analizoi mbi 9,600 kompani përmes kërkimeve DNS për të identifikuar përdorimin e platformave amerikane si Microsoft dhe Amazon.
Vendet nordike si Islanda, Norvegjia, Irlanda, Finlanda dhe Suedia shfaqin një varësi mbi 90% ndaj teknologjisë amerikane, ndërsa vendet me varësinë më të ulët janë Bullgaria (16%), Rumania (39%) dhe Sllovakia (43%).
Raporti paralajmëron për pasoja të mundshme të mbikëqyrjes pa mandat dhe ndërhyrjes së jashtme, veçanërisht në kontekstin e ligjit amerikan CLOUD Act, që i lejon autoritetet të kërkojnë të dhëna nga kompanitë amerikane, pavarësisht vendndodhjes së serverëve.
Në Britani, sektorët kritikë si bankat dhe telekomunikacioni varen mbi 95% nga teknologjia amerikane. Ekspertët paralajmërojnë për rreziqe të sigurisë kombëtare dhe për nevojën që Europa të investojë në zgjidhje vendase për të siguruar sovranitetin digjital.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128