Artan Fuga pas vitesh në drekë me Ilir Metën, tregon për çfarë biseduan

26 Qershor 2022, 14:22 / POLITIKË ALFA PRESS

Artan Fuga pas vitesh në drekë me Ilir Metën, tregon për

Profesori Artan Fuga ka postuar një fotografi në rrjetin social ''Facebook" me presidentin Ilir Meta. Fuga shkruan se sëbashku me Metën kanë konsumuar një drekë, me bisedë sa substanciale dhe serioze, aq edhe miqësore, e këndshme, dhe me shumë humor të hollë.

Mes të tjerash, Fuga thekson se ka folur me Presidentin Meta për gjithçka, duke nisur nga letërsia për të vazhduar deri tek politika. 

Postimi i Artan Fugës:

Unë gjithë jetën time nuk e di përse ndihem afër personaliteve dhe pushtetarëve të lartë kur janë në fund të një mandati politik. Kur janë në fillim u qendroj larg! Kur janë në mes? nuk di çfarë të them!
Pas një dreke me z. President Ilir Meta! Një bisedë sa substanciale dhe serioze, aq edhe miqësore, e këndshme, dhe me shumë humor të hollë!

U kënaqëm vërtet! Drekë dietike me pak peshk, pak perime, dhe sallatë barishtesh!
Për çfarë nuk folëm, për burrat e mëdhenj dhe gratë dinjitoze të Skraparit dhe Beratit në histori, për dëshmorët dhe viktimat, për historinë e partisë socialiste që në shumë pika vetëm ne e dimë të vërtetën, për heronjtë e vërtetë të demokracisë që pasi çanë muret e ambasadave nuk rrahën gjoksin dhe nuk kërkojnë të dalin në presidiume, për opozitën dhe pushtetin, për barishtet e zjera si ushqim i mirë, për dorëzimin e mandateve si vetëdorëzim i përgjegjësive që i ishin kërkuar kombit, për traditat e mëdha shqiptare, për skuthat, hipokritët, për verën e Delvinës, për energjitë e reja politike alternative që Shqipëria ka nevojë. Ja këto!
Dhe si kujtim një foto!
Lamë takime të tjera sipas kohës dhe mundësive.