English
Luaj me Fjalëkryq
Lajme flash

“Balluku i tha Ramës se do të marr me vete”/ Çfarë ndodhi në mbledhjen e grupit të PS?

10 Nëntor 2025, 13:39 / POLITIKË ALFA PRESS

“Balluku i tha Ramës se do të marr me vete”/

Kreu i PD-së, Sali Berisha deklaroi në mbledhjen e grupit parlamentar se ka informacione për një mbledhje “top-sekret” të zhvilluar në selinë e Partisë Socialiste, ku Rama ka shpallur publikisht mbrojtjen e Ballukut dhe e ka emëruar atë drejtuese politike të qarkut Tiranë.

“Në mbledhjen e fshehtë me drejtuesit e PS në Tiranë, Rama u tha se Belinda do të jetë drejtuese e qarkut të Tiranës dhe se ajo është ‘vetë pafajësia’. Ai tha se beteja ndaj tyre është politike dhe se SPAK-u i partisë po sulmon Ramën dhe PS-në,” deklaroi Berisha.

Berisha deklaroi gjithashu se tenderi i tunelit të Llogarasë është manipuluar në mënyrë flagrante, duke favorizuar një kompani turke me një ofertë 50 deri në 90 milionë euro më të lartë se konkurrenca, dhe se kostoja e projektit tashmë ka arritur 230 milionë euro.

“Kompania që ofroi 130 milionë euro u përjashtua, për të fituar kompania turke me 180 milionë euro. Pastaj janë shtuar edhe 20 milionë për ura që nuk ekzistojnë në terren. Tuneli realisht shkon në 230 milionë euro. Balluku e ka kontraktuar me urdhër të Ramës,” ha Berisha.

Pjese nga deklarata e Sali Berishes

Ndodhin ngjarje të jashtëzakonshme, shqiptarët panë me dokumente se si Edi Rama me Belinda Ballukun bëjnë pazaret më të ndyra në kurriz të tyre, me tendera që shkojnë 200 milionë euro në tunelin e Llogarasë, pa respektuar asnjë nen të ligjeve të këtij vendi.

Se si gjithçka vendoset në vizitat e tyre në Ankara, në takim me kompani.

Dhe se si e njëjta kompani, që përdoret për tunelin e Llogarasë, përdoret për aeroportin e Vlorës për të njëjtat qëllime, të njëjtat mekanizma.

Në çdo vend të botës, kryeministri jep dorëheqjen para një skandali të tillë.

Nuk duhet të them kurrë se Belinda Balluku është e pafajshme, përkundrazi më vjen keq që jam detyruar t’ia ndërroj emrin nga Belindë në Lubi – dhe kam bërë mirë- sepse njeri më të papërmbajtur mbi tokë për vjedhje e hajni nuk ka.

Por ajo, shumicën i ka për llogari dhe së bashku me Edi Ramën.

Cili është qëndrimi i Edi Ramës ndaj këtyre superskandaleve?

Tunelit të Llogarasë, në të cilin kompania që ofroi 130 milionë euro, iu dështua tenderi për ta fituar kompania turke me 180 milionë euro, për të shtuar 50 milionë.

Dhe nuk janë 50 milionë, janë absolutisht 90 milionë, sepse vetëm urat që nuk i ka ndërtuar janë në preventiv dhe tender 20 milionë.

Me një fjalë, në total tuneli shkon 230 milionë.

Por një gjë është, tunelin, Lubia e ka kontraktuar, siç thotë, me urdhër të Edi Ramës.

Dhe e vërteta, u them dy gjëra tani.

E vërtetë është se kjo i ka bërë të qartë Edi Ramës se do ta marrë me vete në qoftë se e lëshon.

Dhe tani unë do t’u informoj ju për mbledhjen top-sekret që u zhvillua në selinë e PS.

Në atë mbledhje, janë mbledhur deputetët dhe drejtuesit për Tiranën.

Në atë mbledhje Edi Rama u ka bërë të qartë atyre se drejtuese e qarkut të Tiranës do jetë Lubi Balluku.

Dhe se Skapi i partisë ka sulmuar Partinë Socialiste dhe ka sulmuar Edi Ramën se aty nuk qëndron dhe se të gjithë problemin e kanë tek unë. E kanë tek ai.

Prandaj Belinda është vetë pafajësia, beteja që na bëhet është politike dhe ju vazhdoni punën duke pasur Belindën në krye, Lubinë në krye për Tiranën.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128