Lajme flash
Finokëria e Gazment Bardhit/ Brenda vendit “përdor” Berishën për t’u faktorizuar, jashtë “luan” lojën e vet
31 Janar 2024, 09:43 / POLITIKË
Gazment Bardhi ndodhet në SHBA për të marrë pjesë në “Mëngjesin e Lutjeve”, ashtu siç ishte pak ditë më parë në Parlamentin Evropian, ku u nënshkrua edhe një rezolutë për Shqipërinë.
Ndonëse “Foltorja” pret që Gazment Bardhi të bëhet zëdhënës i saj dhe të ngrejë shqetësimet e Sali Berishës, ai është duke bërë “lojën” e vet.
Brenda Shqipërisë dhe radhëve të “Rithemelimit”, ai duket se është me Berishën, duke e përdorur atë për t’u faktorizuar brenda radhëve të militantëve dhe duke u shprehur për koordinim dhe bashkëpunim të grupit, në funksion të një opozite të bashkuar, ndërsa në vizitat jashtë shtetit ai jo vetëm që nuk e përmend Berishën, por, me shumë mundësi, bën atë që ka bërë edhe më parë, duke hedhur baltë mbi të.
U mor vesh fakti se në mbledhjen e fundit të përbashkët, Albana Vokshi i kërkoi llogari se pse nuk e kishte ngritur shqetësimin e Berishës, gjë që do të thotë se edhe në radhët e “Rithemelimit” është kuptuar kjo lojë e ultë e Gazment Bardhit dhe nuk është e mirëpritur.
Kjo lojë e Bardhit është e çuditshme dhe nuk merret vesh, sepse në Shqipëri shfaqet me Berishën kundër SPAK-ut, kurse në Amerikë me SPAK-un kundër Berishës.
Hajde e merre vesh këtë kameneloizëm të këtyre deputetëve “të rinj”, që për nga finokëria kanë lënë prapa edhe ata “të vjetrit”, të cilët nga ana e tyre e mbajnë veten të pakapshëm në këtë fushë!./Alfapress.al
-
BE do të ndalë kontrabandën e drogës në portet europiane
31 Janar, 08:37 -
Po ndodh...
Pse Aleanca Madhështore përfundoi në Foltore 2
Nga Namir Lapardhaja
ide
Teatri politik me listat e PS dhe PD
Nga Roland Lami
Shqipëria Madhështore apo Shqipëria e Pazarit Madhështorë!
Nga Ermal Peçi!
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128