Lajme flash
"I tronditur nga lajmi i papritur"/ Basha mesazh ngushëllimi për ndarjen nga jeta të ish-deputetit të PD, Gerti Bogdanit
18 Shtator 2024, 14:08 / POLITIKË
Kreu i PD - Demokratët Euroatlantikë, Lulzim Basha, ka reaguar për ndarjen e papritur nga jeta të ish-deputetit të PD Gerti Bogdani.
Nëpërmjet një postimi në profilin e tij në rrjetin social facebook, Basha shprehet i tronditur për këtë lajm dhe shpreh ngushëllimet e ndjera për familjen në këtë orë të vështirë.
Më poshtë i plotë mesazhi i Lulzim Bashës:
Jam i tronditur nga lajmi për largimin e papritur e të parakohshëm nga jeta të mikut dhe bashkëpunëtorit tim Gerti Bogdani. Ngushëllimet e mia më të ndjera familjes në këto orë të vështira. Mendimet dhe lutjet e mija janë me ta në këtë dhimbje të madhe.
Një shpirt i lirë dhe i përkushtuar ndaj të tjerëve, një politikan i talentuar dhe me vlera, Gerti shërbeu me pasion dhe integritet në funksionet e tij publike, duke nderuar Partinë Demokratike me përfaqësimin dinjitoz brenda dhe jashtë vendit.
Në këtë ditë zie, kur familja ka humbur njeriun e saj më të shtrenjtë, demokratët kujtojnë me respektin më të madh modelin e intelektualit konsensual dhe njërin nga përfaqësuesit e tyre më të përkushtuar, dhe unë një mik të paharrueshëm. U prehtë në paqe!
Po ndodh...
Donald Trump ka vënë një bast të madh
Nga David Sanger
ide
Fytyra e huaj e një “shtëpie”
Nga Sonila Meço
Akademia politike e PS, një shaka e madhe
Nga Roland Lami
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128