Lefter Gështenja: Kur mundohesh të hapësh gropën të tjerëve dhe  bie vetë brënda!

24 Janar 2023, 21:25 / POLITIKË ALFA PRESS

Lefter Gështenja: Kur mundohesh të hapësh gropën të

Deputeti i Partisë Demokratike,Lefter Gështenja në një status të tij në Facebook ka reaguar në lidhje me arrestimin e ish-oficerit të FBI McGonnigal. 

Gështenja shkruan në statusin e tij se sipas akt akuzës zyrtare të Gjykatës së Distriktit të Kolumbias në ShBA, ish-oficeri i FBI i marrë si i akuzuar, McGonnigal, mori në vitin 2017 një shumë prej 225,000 dollarë nga një shtetas amerikan, ish-zyrtar i shërbimeve shqiptare të sigurisë gjatë regjimit komunist (Personi A).

Në të njëjtën kohë, McGonnigal ruante marrëdhënie të pandërprera me Edi Ramën.

Postimi i plotë: 

Sipas akt akuzës zyrtare të Gjykatës së Distriktit të Kolumbias në ShBA, ish-oficeri i FBI i marrë si i akuzuar, McGonnigal, mori në vitin 2017 një shumë prej 225,000 dollarë nga një shtetas amerikan, ish-zyrtar i shërbimeve shqiptare të sigurisë gjatë regjimit komunist (Personi A).

Në të njëjtën kohë, McGonnigal ruante marrëdhënie të pandërprera me Edi Ramën.

Është i njëjti i akuzuar që në cilësinë e funksionarit të FBI nxiti këtë agjensi federale që të fillojë hetimet ndaj lobistit amerikan të partisë politike opozitare, pra Partisë Demokratike të Shqipërisë duke përdorur informacione dhe akuza që i servireshin nga kontakti i McGonnigal, ish-funksionari i Sigurimit të Shtetit.

Bashkë me ish-funksionarin e Sigurimit të Shtetit komunist, McGonnigal ka zhvilluar aktivitet lobimi dhe udhëtime në Europë në shkëmbim të 225,0000 dollarëve të përfituara nga ish-funksionari komunist.

Lidhja ndërmjet McGonnigal, ish-funksionarit të Sigurimit të Shtetit komunist dhe Edi Ramës provohet nga një seri ngjarjesh.

• Ai udhëton në Shqipëri në nëntor të vitit 2017 ku dyshohet se u takua me kryeministrin e Shqipërisë, Edi Rama. Në dhjetor të po atij vitit, Rama, McGonnigal dhe ish-funksionari i Sigurimit të Shtetit darkojnë së bashku.

• Menjëherë pas darkës, në 4 janar 2018 ish-funksionari i Sigurimit të Shtetit komunist i dërgoi oficerit të FBI McGonnigal informacione rreth lobistëve të partisë opozitare, të cilat McGonnigal ua kaloi kolegëve të tij në FBI një ditë më pas.

• Më datë 22 Janar 2018, McGonnigal mori një tjetër informacion nga ish-funksionari i Sigurimit të Shtetit, i cili nga ana e tij këtë informacion e kishte marrë nga zyra e kryeministrit Edi Rama.

• Në 21 – 24 Shkurt 2018, McGonnigal udhëtoi në Tiranë përsëri bashkë me ish-funksionarin e Sigurimit të Shtetit.

• Dy ditë më vonë, 26 Shkurt 2018, FBI në Neë York hapi hetimet kundër lobistit amerikan me kërkesë dhe nën drejtimin e McGonnigal. Njerëz nga rrethi i ish-funksionarit të Sigurimit të Shtetit lehtësuan intervistimin e dëshmitarëve në Europë duke ndërmjetësuar takimet me agjentët e FBI dhe duke paguar biletat e dëshmitarëve.

• Në 4 Mars 2018, i akuzuari McGonnigal drekon përsëri me Edi Ramën dhe ish-funksionarin e Sigurimit të Shtetit.

• Në 26 Prill deri në 2 Maj 2018 ai udhëtoi përsëri në Shqipëri i shoqëruar nga ish-funksionari i Sigurimit të Shtetit.

Asnjë nga udhëtimet e McGonnigal në Shqipëri apo shuma prej 225,000 dollarë që ai mori nga ish-funksionari i Sigurimit të Shtetit komunist nuk u deklaruan në FBI siç e kërkon ligji amerikan.

Po ndodh...

ide