Mbyllet pas 1 ore protesta e opozitës, Berisha paralajmëron mobilizim kombëtar: Të përgatitemi!

Ashtu siç pritej, ka zgjatur fiks 1 orë protesta e sotme e opozitës, 8 dhjetor, para godinës së Kryeministrisë, vend të cilin kryetari i Partisë Demokratike, Sali Berisha, e ka cilësuar “Sheshi i Lirisë”.

Para se në foltore të ngjitej për të folur kryetari Berisha, fjalën e morën përfaqësues nga të gjitha shtresat e shoqërisë dhe deputetë opozitarë. Mes atyre që mbajtën fjalime ishin edhe ish-Studentë të Dhjetorit 1990, me rastin e 8 Dhjetorit, Ditës së Rinisë dhe lëvizjes studentore.

Në Ditën e Rinisë, Berisha theksoi se “gjenerata Z ka përmbysur diktatura mizore në vende të ndryshme të botës dhe është bërë zëdhënëse e betejës për liri të shoqërisë njerëzore”.

“Të mbajmë misionin deri në fitore sepse Edi Rama, është armik i egër i lirive të shqiptarëve!”, u bëri thirrje qytetarëve.

“Sot, pas 35 vitesh, ne nuk jemi më një diktaturë moniste. Studentët e dhjetorit nuk kishin një forcë politike që t’u dilte zot. E vërteta është se edhe qytetarët e trembur, dy ditët e para nuk u afruan me ta. Por ata vazhduan dhe fituan. Kurse sot, shqiptarët kanë një forcë politike dhe kjo është PD. Parti e themeluar nga studentët e dhjetorit, e idealeve të dhjetorit”, deklaroi Berisha.

Kreu i demokratëve në fjalën e tij bëri thirrje mes të tjerash për mobilizim të protestave të fuqishme nga opozita dhe demokratët, deri në largimin e qeverisë dhe kryeministrit Edi Rama.

“Edi Rama ka mbushur jo kupën, por çdo gjë. Meriton çdo ndëshkim me këto që i ka bërë kombit.

Është koha jonë, është koha e guximtarëve, është koha me ideale, është koha e njerëzve që e duan Shqipërinë.

Ndaj dhe u ftoj të përgatitemi të nisim protestat e fuqishme, protestat me të cilat ne do iu rikthejmë shqiptarëve të ardhmen, Shqipërinë, nderin dhe dinjitetin që meritojnë”, tha Berisha.

Teksa PD mban protesta për të rikthyer pluralizmin, javën e fundit ka pasur zhvillime jo fort të favorshme për këtë forcë politike. Ish-deputeti demokrat, anëtar Kryesie, Ervin Salianji, e ka thënë publikisht se ky subjekt politik ka nevojë të riformatohet.

Megjithatë, përtej pritshmërive, ai u pa në protestën e sotme. Më herët, ai ka bërë me dije se bashkë me Ilir Alimehmetin, si dhe disa nga demokratët më të votuar në zgjedhjet e 11 majit, kanë nisur një tur takimesh nëpër qytete, për hapjen dhe ripërtëritjen e Partisë Demokratike.

Po ndodh...

20:02 AKTUALITET

Sigurimi me detyrim nga tërmetet miratohet këtë dhjetor, sa do të jetë tarifa?

19:57 BOTA

Von der Leyen: Sa më shumë që Putin të vazhdojë luftën, aq më të larta do të jenë kostot për Rusinë

19:41 AKTUALITET

Hija e Kremlinit pas Baba Vangës: Si shpërndahen ‘profecitë’ e rreme në mediat shqiptare

19:24 POLITIKË

“Dita e Rinisë”/ Berisha kujton Lëvizjen e Studentëve të Dhjetorit: Gjunjëzuan regjimin më të egër

19:18 BOTA

Britania prezanton dronë nënujorë dhe inteligjencë artificiale për t’iu përgjigjur kërcënimit rus

19:07 POLITIKË

Këlliçi reagon pas publikimit të mesazheve mes tij dhe vartësve të Ballukut: Dorë e Ramës dhe Veliajt!

18:46 POLITIKË

Pas foltores në Durrës, Ervin Salianji i bashkohet protestës së Sali Berishës

18:40 POLITIKË

Nis “Foltorja” e PD, demokratët mblidhen para kryeministrisë

18:34 BOTA

Netanyahu: Unë flas rregullisht me Putinin! Kjo marrëdhënie i shërben interesave tonë jetësorë

18:24 AKTUALITET

U zbulua nga elektriku i dorës, dënohet me burg shqiptari i përfshirë në një vjedhje në Belgjikë

18:14 SHOWBIZ

Sardi i jep fund dyshimeve, tregon nëse do të jetë pjesë e “Big Brother VIP 5”

17:58 BOTA

Mbi 370 palestinezë të vrarë që nga armëpushimi në Gaza

17:41 SPORT

Alarm te Barcelona, mbrojtësi uruguajan mund të mos luajë më kurrë te ‘blaugranat’

17:25 BOTA

Kryediplomati gjerman, Wadephul: Shpresojmë që Kina të ushtrojë ndikim mbi Rusinë për t'i dhënë fund luftës

Dua të lexoj më shumë lajme