English
Luaj me Fjalëkryq
Lajme flash

Një ditë para protestës së thirrur kundër SPAK nga Noka dhe Bardhi/ Berisha: Mos kurseni vezët dhe domatet!

10 Shtator 2024, 21:45 / POLITIKË ALFA PRESS
Një ditë para protestës së thirrur kundër SPAK nga Noka

Kreu i PD Sali Berisha një ditë përpara protestës së thirrur nga Flamur Noka dhe Gazment Bardhi përpara SPAK, (Berisha paraqitet në orën 12.00), i ka bërë thirrje qytetarëve që të ngrihen për shpëtimin e vendit nga regjimi i Edi Ramës. Edhe pse ai nuk e ka përmendur posaçërisht protestën e nesërme përpara Prokurorisë së Posaçme, Berisha ka kërkuar radikalizim të aksionit si e vetmja rrugë.

‘I ftoj qytetarët të mos kursejnë vezë dhe domate drejt surratit të hajdutëve! Protesta qytetare është jetike’, u shpreh Berisha në fund të fjalës së tij gjatë protestës maratonë te ‘Rruga e Shpresës’.

Berisha: Miqtë e mi, shikoni gjer ku arrin deformimi njerëzor.

Shikoni gjer ku arrin antihumanizmi.

Këta jo vetëm kanë vjedhur ilaçet e të sëmurëve, por këta përdhosin profesionin e mjekut dhe gjejnë shërbëtorë të tyre që kërkojnë t’i vrasin me heshtje të sëmurët e tyre.

Vështirë, shumë vështirë, kurrë nuk kam lexuar.

Kjo është njëlloj sikundër të bësh eksperimente tek njerëzit.

Të studiosh fatin e tyre pa mjekim.

Ti ke kryer një akt shumë, shumë të rëndë.

Dhe pse? Sepse ose ke dorë me ta, ose ke frikë dhe vdes në lëkurën tënde dhe nuk del në protestë dhe nuk i merr kolegët dhe të sëmurët përpara ministrisë, t’i pështyjmë në surrat këta horra që vjedhin të sëmurët.

Miqtë e mi, u ndala në këtë rast të veçantë, vetëm e vetëm për të theksuar se sa e drejtë është kauza që mbroni.

Sa dramatike është situata në këtë vend.

Sa jetike është protesta qytetare.

Shërbimi shëndetësor, ky është niveli.

Ky mesazh tregon nivelin e vërtetë të shëndetësisë.

Ky mesazh tregon se si mafia ka pushtuar kujdestarët e shëndetit të njerëzve, shërbëtorët e shëndetit të njerëzve.

Ndaj dhe ky mesazh duhet të jetë një motivim i fuqishëm për çdo shqiptar për t’u përballur dhëmb për dhëmb me këta hajdutë të pafytyrë.

I përshëndes qytetarët për përçmimin që po tregojnë ndaj tyre.

I përshëndes qytetarët për refuzimin e tyre.

I ftoj qytetarët të mos kursejnë vezë dhe domate drejt surratit të tyre.

Mosbindja civile ka mjetet e veta, le t’ua bëjmë ne rrugën sterrë këtyre hajdutëve të pamëshirë që marrin jetë njerëzish për të mbushur xhepat e tyre.

Përshëndes qytetarët që protestojnë te bashkia.

Përshëndes qytetarët e Thumanës që protestojnë kundër ndëshkimit të Lubi Ballukut dhe Edi Ramës dhe i them Lubisë bashkë me Edi Ramën, se nuk do mund të ndëshkoni kurrë Krujën ju, nuk do mund të ndëshkoni kurrë veriun ju, se veriu do u japë ju atë që u ka dhënë çdo pushtuesi.

Bastardë të etërve xhelatë, pasardhës të familjeve xhelate të Tiranës dhe Shqipërisë.

Ndëshkoni shqiptarët çdo ditë dhe çdo natë.

Edhe njëherë, mirënjohje të pakufishme ndaj jush.

Zemërim dhe protestë, protestë dhe revoltë.

Rrofshi ju, rroftë Shqipëria.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128