Lajme flash
Po, Argita Berisha është e vetmja që duhet të pasojë Doktorin!
28 Maj 2024, 11:38 / POLITIKË
Ka një seri kundërshtimesh nga deputetët dhe figurat e Rithemelimit, përsa i përket marrjes së postit të kryetares së Partisë të znj.Argita Malltezi Berisha.
Çdo ditë që kalon vajza e doktor Berishës po artikulon më vendosmërisht qëllimin e saj për të qenë pasuesja e të atit, dhe paralelisht edhe kundërshtitë ndaj këtij vendimi po dëgjohen më fortë, zëra që vijnë kryesisht nga deputetët e quajtur rëndomtë “të grupit Bardhi”, por edhe nga figura të tjera.
Këtu ka disa anomali të mëdhaja.
Së pari, figurat që e kundërshtojnë tregojnë se janë të pavetdijshëm si për oborrin ku janë atashuar, si për figurën e tyre.
Në embrion të tij, Rithemelimi është Sali Berisha, asgjë më shumë!
Ajo pjesë e PD që kishte angazhim politik identitarë të saj çdo grimcë nga historia e S.Berishës, u shkëput nga PD (me akte politike, sesa juridike) dhe krijuan subjektin politik ekskluziv të Sali Berishës.
Adn-ja e atij grupimi është Doktor Berisha, arritjet dhe dështimet e tij personale, problemet dhe sfidat e tij… dhe adn-ja ruhet vetëm duke u trashëguar!
Një subjekt me adn të tij, me alfa dhe omegën e tij, vetëm Sali Berishën… e ka jetike për egzistencën e tij të trashëgohet te fëmija e tij.
Së dyti, qëllimi i Rithemelimit mishërohet si askush tjetër te zonja Malltezi Berisha.
Për çfarë u krijua Rithemlimi? Çfarë kauze ka në zemër të tij? Çfarë betejash ka kryer dhe do të ketë në të ardhmen??
Rithemelimi u krijua pas shpalljes “nongrata” të familjes Berisha, u krijua si mekanizëm politik mbrojtës ndaj ndëshkimit të DASH dhe Perëndimit. U organizua si subjekt me objektiv mbrojtjen e Sali Berishës nga proceset penale ndaj tij, shpëtimin e pasurisë së enturazhit të tij politik (pse jo dhe zgjerimin e kësaj pasurie)… në këtë kontekst, kush më shumë se Argita personifikon gjithë kauzat e këtyre betejave??
Argita është non-grata nga SHBA dhe Britania si i ati i saj, akuzohet madje për të njëjtat skandale korrupsioni (si ai i rastit të lidhjes së biznesit me Damir Fazlliç në portin energjitik të PortoRomanos), ka bashkëshortin në betejë me drejtësinë… pra jo vetëm është fëmija natyrale e Sali Berishës, por ajo mbart dhe veprimtarinë jetësore politike e ekonomike fiziologjike të Sali Berishës. Është vazhdimi natyral i aktivitetit të Berishës në politikë.
Së fundmi, nëse Rithemelimin nuk e trashëgon vajza ose djali i Sali Berishës, venitet gjithë identiteti i tij!
Për çfarë u kryen 1001 sakrifica, u organizuan mitingje në stadiume, foltore në çdo qytet të Shqipërisë, u kontraktuan dhjetëra analistë, qindra orë televizive në emisionet televizive më të shtrënjta, u mobilizuan trupa para-militare dhe de fakto u krijua një parti paralele (edhe pse ende e paformalizuar) duke u derdhur miliona e miliona euro??
Për ta marrë drejtimin e këtij subjekti Bardhi, Salianji, Tabaku apo dikush tjetër?!
Për çfarë u mblodhën ish drejtorët, ish shefat e policisë, ish ministrat e të tjerë funksionarë dhe përfitues të “firmës” si kryeministër së Sali Berishës? Që betejën e tyre ta kurorzojnë te figura anemike, pa asnjë histori mes tyre dhe asnjë transaksion “politikë-biznes” si Bardhi me shokë??
Boshti që e mban fort lidhur atë grupim, është historia e ndereve, e shpërblimeve dhe investimeve politiko-ekonomike që Berisha ka derdhur te secili nga përkrahësit. Çfarë kuptimi ka për dikë që nga rruga, pashkollim, pa karrierë, është marrë nga Berisha dhe është emëruar drejtor në x institucion duke e kthyher në milioner, të rendi sot pas Jorida Tabakut apo Bardhit? Apo Salianjit?
Është pa sens fare, madje emrat më sipër janë parë shpesh me përbuzje nga enturazhi i Berishës si njerëz që kanë marrë fonde dhe përkrahje pa dhënë gjë në shkëmbim deri më tani për ta.
Rithemelimi ka një objektiv imperativ: mbrojtjen e status quos së pushtetit të Berishës,
ka një kontratë që i mban lidhur si entitet:
Historikun e shkëmbimit të favoreve mes Berishës dhe gjithë secilit prej tyre ndër 33vite.
Këtë objektiv dhe kontratë e mban gjallë vetëm vajza ose djali i Sali Berishës, askush i jashtëm!
Demagogjitë llojit “s’është partia personale e Berishës, por partia denokratike e vërtetë, atje ku pavarësisht vulës ndodhet anëtarësia… etj” është thjeshtë një demagogji surrugato që Bardhi, Tabaku, Salianji e kushdo tjetër e kanë si helm për të helmatisur Partinë Demokratike… atë të vërtetën dhe të vetmen, helm që mesa duket tashmë nuk e helmon më por thjeshtë ka trullosur vetë “gjarpërinjtë” që e kanë lëshuar.
Partia Demokratike është çdo ditë e më shumë larg Sali Berishës dhe Rithemelimit, shumica dërrmuese e demokratëve u larguan pas 9 shtatorit 2021 nga PD dhe Rithemelimi. Sot ata janë të qartë që Rithemelimi është enturazh privat i Berishës, dhe gradualisht po bashkohen me PD por duke vëzhguar me kujdes trupëzimin e saj të ri dhe aktet politike të saj… nëse rrezojnë me atë çfarë ata kërkojnë.
Sot shumica e demokratëve dhe të djathtëve kërkojnë parti moderne, antagoniste të sistemit 34 vjeçar dhe që mbart doktrinën e djathtë, por edhe gardiane politike të SPAK.
Kjo ishte rruga e vështirë që detyroi Gazin, Tabakun, Salianjin etj që ta ndalnin rrugëtimin e tyre dhe ti bashkoheshin pazarit poshtë katit të 8.
Po ndodh...
Pse Aleanca Madhështore përfundoi në Foltore 2
Nga Namir Lapardhaja
ide
Teatri politik me listat e PS dhe PD
Nga Roland Lami
Shqipëria Madhështore apo Shqipëria e Pazarit Madhështorë!
Nga Ermal Peçi!
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128