Reforma Zgjedhore/ Alibeaj dhe bashkëkryetari tjetër i komisionit, takim me drejtuesit e ODIHR-it!

4 Mars 2024, 18:06 / POLITIKË ALFA PRESS

Reforma Zgjedhore/ Alibeaj dhe bashkëkryetari tjetër i komisionit,
Bashkëkryetarët e Komisionit të Reformës Zgjedhore, Enkelejd ALibeaj nga PD dhe Damian Gjiknuri nga PS, kanë zhvilluar një takim me zyrtarë të ODIHR për t’i informuar këta të fundit për ecurinë e deritanishme të punës së Komisionit të Posaçëm Parlamentar për Reformën Zgjedhore.

Me ane te nje postimi në Facebook, Alibeaj shkruan se “i informova për qëndrimet e PD mbi adresimin e rekomandimeve të ODHIR për, ndalimin e shitblerjes së votës, ndalimin e përdorimit të administratës dhe burimeve shtetërore nga qeveria në zgjedhje, për rregullimin e financimit të fushatave zgjedhore si dhe me domosdoshmërinë e adresimit të vendimeve të Gjykatës Kushtetuese duke i shpjeguar se qëndrimi i PD është për sistemin me lista të hapura, Shqipëria 1 zonë elektorale, votimin dhe numërimin elektronik në gjithë Shqipërinë dhe votën e plotë dhe efektive të diasporës”.

Postimi i plotë i Enkelejd Alibeajt:

Me kërkesë të tyre patëm një takim në cilësinë e bashkëkryetarëve të komisionit të reformës zgjedhore me Drejtorin e Përgjithshëm të OSCE Office for Democratic Institutions and Human Rights (ODIHR), z. Matteo Mecacci, drejtuesen e Departamentit të Zgjedhjeve të ODIHR, zj. Meghan Fitzgerald dhe këshilltarin Jacopo Leone. I informova për qëndrimet e PD mbi adresimin e rekomandimeve të ODHIR për, ndalimin e shitblerjes së votës, ndalimin e përdorimit të administratës dhe burimeve shtetërore nga qeveria në zgjedhje, për rregullimin e financimit të fushatave zgjedhore si dhe me domosdoshmërinë e adresimit të vendimeve të Gjykatës Kushtetuese duke i shpjeguar se qëndrimi i PD është për sistemin me lista të hapura, Shqipëria 1 zonë elektorale, votimin dhe numërimin elektronik në gjithë Shqipërinë dhe votën e plotë dhe efektive të diasporës. I shpreha se PD ka qenë e mbetet e gatshme prej muajsh, për miratimin e reformës zgjedhore si interes më i lartë i shqiptarëve dhe i falenderova për ofrimin e asistencës së ODHIR me ekspertizën e tyre për këtë reformë.

 

 

ide