Sali Berisha: Beteja pa kthim është një betejë pa kthim!

Sali Berisha pas seancës së sotme parlamentare ku mazhoranca votoj buxhetin pa asnjë problem brenda 7-8 minutave, e quajti aksionin e karrigeve përmbys, një "Fitore të madhe".

Gjithashtu në konferencën me gazetarët ai shpjegoj se çfarë është një betejë pakthim. Sipas kreut të Rithemelimit, një betejë pa kthim është një betejë pa kthim!

"Siç konstatoni, parlamenti nuk ekziston. Kur them nuk ekziston, ai si ndërtesë ekziston, si klub monist ekziston, por si parlament që funksionon mbi bazën e ligjeve dhe Kushtetutës, nuk ekziston.

Mosbindja civile e grupit të deputetëve të PD, u dëshmua mjeti më efiçent apo ndër më efiçentët në histori, de facto përmbysi parlamentin e drogës, krimit dhe korrupsionit.

Dëshmoi para gjithë botës se çfarë përfaqëson regjimi aktual i Tiranës, por mbi të gjitha se çfarë përfaqëson vetë Edi Rama, një njeri i cili, i shndërruar në kreun e Meduzës të sistemit më korruptiv që ekziston kund sot, i shndërruar në kreun e Meduzës të qeverisë më të lidhur me krimin e drogës në ndonjë vend që ekziston sot, është i aftë në një puç antikushtetues të marrë në dorë edhe pushtetin e parlamentit, de facto ta asgjësojë atë.

Pra, ky përbën në historinë e revolucioneve demokratike, ky përbën një nga sukseset më të mëdha. Është e vështirë të gjeni ju, për të mos thënë të pamundur, 43 vetë që me lëvizjen e tyre të përmbysin parlamentin e drogës, krimit dhe narkoshtetit. Nuk ekziston në politologji, në histori. Jo. Ndodhi vetëm në Shqipëri kjo.

Do thoni ju, çfarë fakti ke për këtë ti? Imagjino sikur ata deputetë të mos ishin në mosbindje civile në parlament, por të kishin bojkotuar parlamentin? Do dëgjonin qytetarët kakarisjet e deputetëve socialistë nga mëngjesi gjer në darkë për suksese imagjinare, për mashtrime, falsifikime, çdo gjë tjetër. Iku tani.

Tani kohërat i kanë të shkurtra, maksimumi 7 minuta, pa zë. Një parlament pa zë. Një parlament automatësh, që ngrenë dhe ulin kartonat.

Këtë krahasim duhet ta bëjnë qytetarët. Nëse demokratët nuk do ishin në betejë të mosbindjes civile gjer në mesnatë do vazhdonin diskutimet koprolalike me në krye Edi Ramën.

Të paktën nuk ndodhi më se ai nuk ekziston më ai parlament.

Atëherë lidhur me masat që propozon ai, ai kur ka bërë grusht shteti brenda shtetit dhe merr kompetencat e parlamentit vetë në dorë, ai është i aftë të propozojë çdo ligj dhe çdo masë. Problemi është se mosbindja civile do të vazhdojë qoftë edhe me një deputet të vetëm të PD që do mbetet aty. Ai do marrë përgjigjen që meriton."

"Beteja pa kthim është beteja pa kthim. Gjithnjë e më shumë po zien Shqipëria kundër këtij regjimi"

Berisha në vazhdim tha: Deputetët e opozitës do qëndrojnë me të gjithë qëndresën e tyre. Kjo është betejë pa kthim. Beteja pa kthim është beteja pa kthim!

Gjithnjë e më shumë po zien Shqipëria kundër këtij regjimi. Dhe ne gjithmonë e më shumë po u dëshmojmë shqiptarëve, fytyrën e vërtetë. Por unë ftoj sot çdo prind, ftoj çdo nënë, çdo baba që çon fëmijët në shkollë, por edhe çdo shqiptar atdhetar që beson se ky vend zhvillohet nëpërmjet dijes, aftësimit të fëmijëve të këtij vendi, të shohë këtë tabelë, se ku e ka katandisur shkollën dhe arsimin, regjimi i drogës, vjedhjes dhe krimit të Edi Ramës.

Kjo është një sintezë fatale, dramatike e të gjitha zhvillimeve 10-vjeçare në Shqipëri. Nuk ka tregues më të sigurt të zhbërjes së një shoqërie se treguesit e sotëm të PISA-s.

Gjë e turpshme, e tha zonja Sula: "Covid"?!  -Po pse të tjerët nuk kishin Covid?! Të gjitha këto vende pa përjashtim kishin Covid, por Shqipëria ra kokëposhtë.

"Tërmet"?! - Po, kishte tërmet. Po Shqipëria nuk është vetëm Durrësi, Thumana dhe Kurbini. Ato përfaqësojnë as një të 15-tën e shqiptarëve.

E shihni ju, këta përdorin edhe fatkeqësitë për të fshehur vjedhjet që kanë bërë vetë dhe shkatërrimin që i bënë sistemit të arsimit!".

Po ndodh...

00:00 Fjalëkryq

Skemë e lirë 8 dhjetor

22:51 POLITIKË

“Si më ftoi Gramoz Pashko në shtëpinë e tij në ’91”, rrëfimi i ambasadorit Hill: Kë preferonin amerikanët mes tij, Berishës dhe Selamit

22:26 SPORT

Tensione para ndeshjes Napoli-Juventus, goditet me gurë autobusi i ''Zonjës së Vjetër''

22:12 BOTA

U rrëmbyen nga dallgët në një liqen natyror, tre persona humbin jetën në Tenerife

22:02 AKTUALITET

Mbetjet pushtuan plazhet e Dubrovnikut, Kroacia planifikon të padisë Shqipërinë

21:49 SPORT

5 gola në 3 ndeshjet e fundit, Muçi thumbon Beshiktashin: Tani mund të ëndërroj për gjëra më të mëdha

21:36 SHOWBIZ

“Unë po vdisja, ata donin të bënin show me shëndetin tim”, Linda Rei flet për eksperiencën në BBV Kosova: Si më mashtruan

21:35 BOTA

“Ky është flamuri im”, shpërthen rrjeti pas thirrjes së Musk-ut për të shfuqizuar BE-në

21:15 POLITIKË

VIDEO/ "Pse vetëm të duash Berishën quhesh demokrat?!", Ilir Vrenozi i dëshpëruar për gjendjen e PD-së

21:02 BOTA

Rusia përshëndet Strategjinë e re të Sigurisë të SHBA-ve: Dokumenti është në përputhje me vizionin tonë

20:50 SPORT

Ernest Muçi nuk ka të ndalur, ylli shqiptar shënon dopietë në Turqi dhe i dërgon sinjale Sylvinhos

20:32 SPORT

Real Madrid vendos të rinovojë me Antonio Rüdiger, konsiderohet më i mirë se shumica e opsioneve në merkato

20:20 BOTA

Holandezët kryesojnë në listën e njohurive për gjuhën angleze nga vendet e BE-së, ja kush i pason

19:56 SPORT

Partizani nuk fal bardheblutë, ‘Demat’ triumfojnë në derbin e kryeqytetit dhe “fundosin” në vendin e fundit Tiranën

Dua të lexoj më shumë lajme