English
Luaj me Fjalëkryq
Lajme flash

U largua nga PL-ja, Endrit Braimllari gati t’i bashkohet PS: Në zgjedhjet e 11 majit dua të jap kontributin tim...

13 Janar 2025, 15:37 / POLITIKË ALFA PRESS

U largua nga PL-ja, Endrit Braimllari gati t’i bashkohet PS: Në

Ish-numri dy i Partisë së Lirisë, Endrit Braimllari ka shprehur gatishmërinë që në zgjedhjet e 11 majit të bashkohet me Partinë Socialiste.

Ky vendim i tij vjen disa muaj pasi u përjashtua nga PL dhe më pas mori vendimin për t’u largua nga kjo forcë politike. 

Për Panorama Online, Braimllari u shpreh se kërkon që të japë kontributin e tij me një forcë të majtë, siç është Partia Socialiste.

I pyetur nëse ka një ofertë nga partia në pushtet, Braimllari u përgjigj se deri tani nuk ka një ofertë, por tha se nuk e ka problem ta nisë aty ku filloi 19 vite më parë.

Ai thotë se angazhimin në politikë e sheh si mundësi për të mbështetur qytetarët dhe për të qenë sa më pranë tyre.

I pyetur nga Panorama Online nëse ekziston mundësi e rikthimit në Partinë e Lirisë, Braimllari tha se tashmë ajo është pjesë e të shkuarës, duke mos lënë asnjë mundësi rikthimi.

“Zgjedhjet e ardhshme parlamentare nëse do te krijohen hapësirat e nevojshme do të preferoja te kontribuoja ne nje force te majte si Partia Socialiste. Angazhimin ne këto vite ne politik e shoh si një mundësi për te mbështetur qytetaret”, tha Braimllari për Panorama Online.

A keni patur oferta për t’iu bashkuar Partisë Socialiste?

Bramillari: Jo nuk kam pasur oferta e di qe do ju duket çudi, por unë politikën e kam pasion dhe e shoh si një mundësi për te çuar përpara pasionin tim. Nuk e kam problem ta nis aty ku e fillova 19-vite me pare ne qendrën e votimit. Unë politikën e shoh si një mundësi për te qene sa më pranë njerëzve si një mundësi interesimi për to.

A ka shanse të riktheheni në LSI, tashme Partia e Lirisë? Apo janë mbyllur shtigjet me këtë force politike?

Braimllari: Në 19 vite angazhim ruaj momente shumë pozitive ashtu sikundër dhe momente jo te mira, por që këto tani i përkasin të kaluarës. Tani duhet të shoh nga e ardhmja dhe në zgjedhjet e ardhshme janë dy kampe përball një i djathte dhe një i majtë. Unë do të preferoj të majtën!/Panoama Online

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128