English
Luaj me Fjalëkryq
Lajme flash

Bavette, linguine, trenette konkurentet e spagettit

28 Maj 2022, 06:57 / RECETA ALFA ALFA PRESS

Bavette, linguine, trenette konkurentet e spagettit

Bavettet bëjnë pjesë në familjen e pastave. Ato njihen edhe me emrin linguine ose trenette. Shumë prej përdoruesve të tyre në kuzhinë i ngatërrojnë me spagett-it për shkak të ngjashmërisë. Në fakt bavette-t janë me formë të sheshtë konvekse dhe të gjata. Pjata ideale e pastave që gatuhet me bavette është ajo me fruta deti.

Bavette me fruta deti

Koha e përgatitjes: 40 minuta

Koha e gatimit: 8 minuta

Vështirësia e ulët

Për 4 persona

Përbërësit

300 gr bavette, 400 gr midhje të zeza, 400 gr vongole, 4 copë barbunë të vegjël, 4 copë skampi, 4 karkaleca të mëdhenj, 150 gr domate qershi, 150 ml verë e bardhë, 1 thelpi hudhër, 1 tufë majdanoz, 1 tufë borzilok, 1 degë rigon i freskët, 80 ml vaj ulliri ekstra i virgjër, kripë & piper sipas dëshirës.

Përgatitja

1.       Nxehni vajin e ullirit në tigan së bashku me hudhrën, majdanozin dhe borzilokun e copëtuar imët me duar si dhe rigonin.

2.       Shtoni midhjet, vongolet e pastruara dhe shpëlara mirë. Mbulojini me kapak dhe lërini derisa molusqet të hapen.

3.       Kur të hapen hiqini molusqet nga tigani, hiquni guackat ¾ të tyre dhe vendosini në një tas.

4.       Në të njëjtin tigan, tiganisni barbuët e pastruar , qëruar dhe filetuar, skampit dhe karkalecat e qëruar dhe zhveshur nga lëvozhga si dhe domatet qershi të prera në katër pjesë.

5.       Tiganisini të gjitha për disa minuta dhe shtojini salcës midhjet dhe vongolet e gatuara më parë.

6.       Rregullojini me kripë e piper sipas dëshirës. Salca e gatuar nuk duhet të lënë të avullojë, por duhet të ketë trajtë të lëngshme.

7.       Zieni në ujë të bollshëm  të vluar me kripë bavette-t dhe kullojini kur të jenë “al dente”.

8.       Hidhini në tiganin me salcë dhe fruta deti dhe jepuni një valë së bashku.

9.       Shërbejini menjëherë.

Origjina e pjatës

Bavette-t janë përdorur tradicionalisht në Gjenovë si dhe në të gjithë Ligurian. Salcat më karakteristike që i shoqërojnë janë “pesto alla Genovese” dhe salcat me peshk dhe perime. Falë formës së tyre bavette-t mund të mbajnë më shumë salcë sesa spaghetti-t dhe për rrjedhojë janë edhe më të shijshme.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128