Lajme flash
Nëse je fans i picës, provo picën Keto
19 Gusht 2022, 07:44 / RECETA ALFA
Pica ngelet ndër produktet e brumit më të pëlqyera që zor se i thua dot jo. Por ka një zgjidhje që pica të përfshihet në dietën tuaj ushqimore. Ajo është pica Keto, pjesë e menusë ushqimore të një prej dietave më të famshme në botë: dieta Keto. Provojeni dhe rezultati nuk do t’ju zhgënjej.
Pica keto
Koha e përgatitjes: 5 minuta
Koha e pjekjes: 25 minuta
Vështirësia e ulët
Për dy persona
Përbërësit për bazën e picës
4 vezë, 170 gr djathë mozzarella i grirë
Përbërësit për mbushjen
3 lugë gjelle salcë domateje, 1 lugë çaji rigon, 170 gr djathë provolone i grirë,45 gr sallam pikant, 60 ml vaj ulliri, ullinj (nëse dëshironi).
Përgatitja
1. Përgatisni fillimisht bazën e picës. Hidhni 4 vezët e plota në një tas të thellë. Shtoni djathin e grirë mozzarella. Përziejini mirë me njëri tjetrin përbërësit, derisa të merrni një masë homogjene.
2. Ngrohni furrën në 200°C. Me ndihmën e një spatule shpërndani përzierjen mbi një letër kuzhine me të cilën keni veshur një tavë rrumbullake me diametër 20 cm.
3. Piqeni në furrë për 15 minuta, derisa baza e picës të marrë ngjyrë të artë. Lëreni të ftohet pak duke e nxjerrë nga furra.
4. Mbi bazën hapni me ndihmën e një luge salcën e domates. Hidhini sipër rigon,djathë të grirë provolone, sallamin pikant të prerë në rrathë, ullinj. Spërkateni me vaj ulliri.
5. Futeni përsëri në furrë për 5-10 minuta të tjera në temperaturën 225°C. Kur djathi të shkrihet dhe perimet të marrin ngjyrë të argjentë, pica është gati.
6. Shërbejeni me gjethe sallate jeshile.
-
-
Parashikimi i motit për ditën e sotme
19 Gusht, 07:42
Po ndodh...
ide
Rilindja është Kapitalizmi i Katastrofës
Nga Klodian Tomorri
Pse tifozeria e Kosovës ishte aq e vdekur dhe mungonin simbolet kuqezi?
Nga Kreshnik Spahiu
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128