Salçiçe, qepë dhe speca: pjata klasike italo amerikane
Kombinimi i tre përbërësve salçiçe, qepë e speca është në menynë e të gjitha ushqimeve të shpejta të rrugës. Por ku kombinim mund të kthehet në një drekë të shijshme nëse e gatuani në kushtet e shtëpisë. Sekreti i recetës qëndron tek përdorimi salçiçeve italiane artizanale.
Tavë me salçiçe dhe perime
Koha e përgatitjes: 10 minuta
Koha e gatimit: 40 minuta
Vështirësia mesatare
Për 4 persona
Përbërësit
4 salçiçe artizanale (rreth 150 gr secila), 2 lugë gjelle vaj ulliri, 1 spec i verdhë, 1 spec i kuq,1 spec jeshil, 4 thelpinj hudhër, 1 qepë e verdhë, 200 gr domate, rigon, ½ gotë verë, ½ lugë çaji spec djegës, kripë & piper sipas dëshirës.
Përgatitja
Hidhni në një tigan të thellë vajin e ullirit. Sapo vaji të nxehet pak, shtoni salçiçet. Lërini të tiganisen mirë nga të gjitha anët. Nëse salçiçet fillojnë të çahen ulni temperaturën.
Largoni salçiçet nga tigani dhe shtoni aty qepën e prera në fije të holla dhe specat gjithashtu të prera zhulien (fije -fije).
Lërini të zbuten mirë dhe afër fundit të kohës së tyre të gatimit shtoni thelpinjtë e hudhrës. Rregullojini me kripë dhe piper.
Prisni derisa perimet të jenë në vaj ( pa ujë) dhe ju hidhni verën e kuqe. Vera duhet të avullojë plotësisht dhe perimet të deglazohen.
Shtoni domatet e prera në kubikë, specin e kuq djegës, rigonin dhe të fundit salçiçet. Mbulojini me kapak dhe lërini të ziejnë në temperaturë të ulët për 20 minuta.
Këshilla e shefit
Deglazimi me verë është një zgjedhje personale.
Pjata është një shoqëruese ideale e pastave ose e polentës.
Qerrata Gjekmarkaj
ide
Komisioni hetimor "Vokshi "edhe modeli politikës ekspresive !
Shteti i xhepistëve
“I forti i Pazarit” flet për pazar!
top
receta Alfa
TRENDING
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128